बारामती : राज्यात एकीकडे स्थानिक स्वराज्य संस्था निवडणुकीची तयारी सुरु आहे. तर दुसरीकडे उपमुख्यमंत्री अजित पवार हे बारामती तालुक्यातील माळेगाव सहकारी साखर कारखाना निवडणुकीच्या रिंगणात जोरदार प्रचार करताना दिसत आहे. या प्रचारात अजित पवारांनी पुन्हा एकदा ज्येष्ठ नेते शरद पवार यांच्या कृपेने डायरेक्टर झाल्याचं वक्तव्य केलं आहे.
“मी 24 व्या वर्षी डायरेक्टर झालो, माझ्या चुलत्याच्या कृपेने मी डायरेक्ट झालो. मी कामाच्या बदल्यात कधीही एक रुपया घेतला नाही त्याच्यामुळे मी ताठ मानेने बोलतो आहे. सीएसपींची बदली करायला सात सात आठ कोटी दिले जातात असं बोललं जातं. मी कधीही बदलीसाठी पैसे घेतले नाहीत. मला गरज नाही पैसे घ्यायची”, असं अजित पवार म्हणाले आहेत.
“माझ्या वेगवेगळ्या कंपनीतून काही कोट मी सीएसआर फंड देतो, मला कशाची कमी नाही. मी कुठल्याही प्रकारची बिले लावणार नाही. मला कारखाना खाजगी करायला वेड लागलं आहे का? मी सहकाराचा पुरस्कर्ता आहे. 1991 साली शरद पवारांना काही जण म्हणाले, अजितला चेअरमन करा शरद पवार म्हणाले अरे थोडा अनुभव येऊ द्या मग करू, काय नाय करायचं म्हटले, पण त्यांना काय माहिती एकदा बँकेत आला की जायचा नाही”, असं म्हणत अजित पवारांनी 1991 सालचा किस्सा सांगितला.
“35 वर्षे झालं बँक हातात घेतली सोडलीच नाही. मी शिव, शाहू, फुले आंबेडकर यांच्या विचाराचा अर्थसंकल्प मांडतो आहे. योजना बंद करणारी आमची औलाद नाही. जर मी पाच वाजता नाही उठलो तर कोण माझं वाकडं करणार आहे? जावा मुंबईला दहा/ अकरा वाजेपर्यंत मंत्री भेटत नाहीत. मी कोणावरती टीका करत नाही पण खरं बोलतोय”, असंही पुढे अजित पवार म्हणाले आहेत.
महत्वाच्या बातम्या
-पुण्याला पावसाने झोडपलं, जिल्ह्यात १०० मिलीमीटरपेक्षा अधिक पावसाची नोंद
-संत ज्ञानेश्वर महाराजांच्या पालखीतील मानाच्या अश्वांनी घेतलं श्रीमंत भाऊसाहेब रंगारी गणपतीचं दर्शन
-पिंपरी-चिंचवडच्या राजकारणात घडामोडींना वेग; लांडे, गव्हाणेंची शरद पवार गटातून हकालपट्टी
