आपल्याकडील लोक बँकॉकला का जातात? ‘ही’ आहेत पाच प्रमुख कारणे

पुणे : माजी मंत्री तानाजी सावंत यांचा मुलगा ऋषिराज सावंत याचे ‘अपहरण नाट्य’ गेल्या दोन दिवसांपासून चांगलेच गाजत आहे. आपल्या घरच्यांना काही न सांगता ऋषिराज स्पेशल विमानाने 68 लाख रुपये खर्चून बँकॉकला निघाला होता. मात्र इकडे तानाजी सावंत यांनी पोलिसांकडे अपहरणाची तक्रार देत संपूर्ण यंत्रणा कामाला लावली होती. बंगालच्या उपसागरावर हवेत असतानाच ऋषिराजचे विमान थेट माघारी वळवण्यात आले आणि पोहोचले ते पुणे विमानतळावर. या सर्व घडामोडी मध्ये बँकॉक हा विषय मोठ्या चवीने चर्चिला जातोय. परंतु तुम्हाला माहिती आहे का की भारतीय लोक कोणत्या कारणासाठी बँक बँकॉकला जातात?

थायलंडची राजधानी असणारे बँकॉक हे जगभरातील पर्यटकांसाठी प्रमुख आकर्षणकेंद्र आहे. दरवर्षी लाखो लोक वेगवेगळ्या कारणांसाठी या शहराला भेट देतात. त्यामागील प्रमुख कारणे म्हणजे पर्यटन, व्यवसाय, आरोग्य सेवा आणि शिक्षणाशी संबंधित आहेत.

१. पर्यटन आणि सांस्कृतिक ठिकाणे

बँकॉक हे आशियातील एक प्रसिद्ध पर्यटनस्थळ आहे. येथे भव्य राजवाडे, ऐतिहासिक मंदिरे आणि आधुनिक गगनचुंबी इमारती एकत्र पाहायला मिळतात. वॅट अरुण, वॅट फो आणि ग्रँड पॅलेस यांसारखी ठिकाणे पर्यटकांना भुरळ घालतात. बँकॉकच्या स्ट्रीट फूडपासून ते आलिशान हॉटेलपर्यंतचा अनुभव पर्यटकांसाठी अविस्मरणीय असतो.

२. खरेदीचे केंद्र

बँकॉक हे स्वस्त आणि महागड्या दोन्ही प्रकारच्या खरेदीसाठी प्रसिद्ध आहे. एमबीके सेंटर, सायम पॅरागॉन आणि चाटुचाक मार्केट ही खरेदीसाठी प्रसिद्ध ठिकाणे आहेत. अनेक भारतीय पर्यटक येथे कपडे, गॅझेट्स आणि विविध वस्तू खरेदी करण्यासाठी येतात.

३. व्यवसाय आणि गुंतवणूक

थायलंड हा व्यवसायासाठी अनुकूल देश मानला जातो. आयटी, टुरिझम आणि रिअल इस्टेटमध्ये गुंतवणूक करणारे अनेक उद्योजक बँकॉकला भेट देतात.

४. वैद्यकीय पर्यटन

बँकॉकमधील खासगी रुग्णालये आधुनिक वैद्यकीय सोयींसाठी प्रसिद्ध आहेत. कमी किमतीत उच्च दर्जाच्या आरोग्य सेवा मिळत असल्यामुळे अनेक भारतीय आणि परदेशी नागरिक येथे उपचारांसाठी येतात.

५. नाईटलाइफ आणि करमणूक

बँकॉकचे नाईटलाइफ आणि करमणूक क्षेत्रही मोठ्या प्रमाणावर लोकप्रिय आहे. क्लब्स, बार आणि नाईट मार्केटमुळे तरुण वर्ग येथे मोठ्या प्रमाणावर आकर्षित होतो.

यामुळेच पर्यटन, व्यवसाय आणि वैद्यकीय सेवेच्या कारणांमुळे बँकॉक हे जगभरातील लोकांसाठी एक महत्त्वाचे केंद्र बनले आहे.

महत्वाच्या बातम्या-

-सावंतांच्या लेकाला बँकॉकला जाण्यासाठी ६८ लाख, पण तुम्हाला जायचं असेल तर किती खर्च?

-पुण्यातील बड्या मंत्र्यानं सूत्रं हलवली अन् सावंतांच्या लेकाचं विमान हवेतूनच फिरलं माघारी

-पुण्यात जीबीएसचा धोका वाढतोय; आणखी एका रुग्णाचा मृत्यू

-खेकड्यांनी धरण फोडलं ते मुलाचं अपहरण! तानाजी सावंतांची वादग्रस्त प्रकरणे…

-Pune Traffic: दारु पिऊन गाडी चालवणं तरुणाला पडलं महागात; ५ दिवस जेल अन्…