पुणे : पुण्यात सध्या गुन्हेगारीचं प्रमाण वाढताना दिसत असून आत्महत्येचं देखील प्रमाण वाढलं आहे. तीन दिवसांपूर्वी एका २५ वर्षीय आयटी अभियंत्या तरुणीने २१ व्या मजल्यावरून उडी मारून आत्महत्या केली होती. त्यानंतर आता पुण्यातील रुबी हॉल क्लिनिकमध्ये कार्यरत असलेले निवासी डॉक्टर श्याम व्होरा (वय २८) यांनी रविवारी रात्री १० वाजण्याच्या सुमारास आपल्या हॉस्टेलच्या खोलीत गळफास घेऊन आत्महत्या केल्याची धक्कादायक घटना समोर आली आहे.
रुबी हॉल क्लिनिकपासून ३०० मीटर अंतरावर असलेल्या ढोले पाटील चौकातील दामोदर भवन इमारतीत डॉक्टरांचे हॉस्टेल आहे. या हॉस्टेलमध्ये जवळपास ८० ते १०० डॉक्टर राहतात. श्याम व्होरा यांच्या खोलीचा दरवाजा बराच वेळ बंद असल्याने सुरक्षा रक्षकाला शंका आली. त्याने दरवाजा तोडला असता, डॉ. व्होरा यांनी गळफास घेतल्याचे दिसून आले. आत्महत्येचे नेमके कारण रात्री उशिरापर्यंत समजू शकले नाही. मात्र, त्यांनी एका कागदावर त्यांच्या मोबाइलचा पासवर्ड लिहून ठेवला होता, ज्यामुळे या घटनेचे गूढ लवकरच उलगडण्याची शक्यता आहे.
डॉ. श्याम व्होरा हे गेल्या वर्षभरापासून रुबी हॉल रुग्णालयात रेडिओलॉजी डायग्नोसिस विभागात निवासी वैद्यकीय डॉक्टर म्हणून कार्यरत होते. ते मूळचे गुजरातमधील भावनगर जिल्ह्याचे रहिवासी होते. घटनेची माहिती मिळताच त्यांचे कुटुंबीय गुजरातहून पुण्याकडे रवाना झाले असून, त्यांनी पोलिसांना कोणताही निर्णय घेण्यापूर्वी त्यांच्या परवानगीची वाट पाहण्यास सांगितले आहे. त्यामुळे डॉ. व्होरा यांचे पार्थिव सध्या रुबी रुग्णालयात ठेवण्यात आले आहे.
महत्वाच्या बातम्या
-काका पुतणे एकत्र येण्याची चर्चा; पुण्यात मोठी राजकीय घडामोड
-पर्यटकांनो पावसाळ्यात पर्यटनस्थळी जाताना काळजी घ्या! भूशी डॅममध्ये दोघा मित्रांनी गमावला जीव
-सनी निम्हण आयोजित भव्य रक्तदान शिबिरातून मानवतेला मानवंदना; ११०४ रक्तदात्यांचे रक्तदान
-हिरोला लाजवेल अशी दिमाखात हेलिकॉप्टरनं एन्ट्री, व्यावसायिकानं खरेदी केलेली अलिशान कार एकदा पहाच
-‘मी आणि अजितदादा लहाणपणापासूनच…; मिटकरींच्या त्या वक्तव्यावर सुप्रिया सुळेंची प्रतिक्रिया
