पुणे : पुणे शहरात दिवसेंदिवस वाहतूक कोंडीचा प्रश्न राज्याचे उपमुख्यमंत्री अजित पवार यांनी आता पुण्यातील वाहतूक कोंडीवर तोडगा काढण्यासाठी आता थेट केंद्रीय वाहतूक मंत्र्यांना पत्र लिहलं आहे. शहरातून जाणाऱ्या राष्ट्रीय महामार्ग क्र. ६० नाशिक फाटा ते खेड, राष्ट्रीय महामार्ग क्र. ६५ हडपसर ते यवत आणि तळेगाव राष्ट्रीय महामार्ग क्र. ५४८ डी तळेगाव-चाकण-शिक्रापूर या तिन्ही प्रमुख राष्ट्रीय महामार्गाचे तातडीने रुंदीकरण करावे, अशी मागणी अजित पवारांनी केली आहे.
पुणे आणि परिसरातील वाहतूक कोंडी सोडवण्यासाठी या भागातून जाणाऱ्या राष्ट्रीय महामार्ग क्र. ६० (नाशिक फाटा ते खेड), राष्ट्रीय महामार्ग क्र. ६५ (हडपसर ते यवत) आणि राष्ट्रीय महामार्ग क्र. ५४८ डी (तळेगाव–चाकण–शिक्रापूर) या तिन्ही महामार्गांवर शिक्षण संस्था, औद्योगिक पट्टा, वसाहती, रुग्णालये, पेट्रोलियम आणि वाहन उद्योग तसंच व्यापारी हब आहेत. यामुळे याठिकाणी वाहतुकीचा ताण प्रचंड प्रमाणात वाढलेला आहे. रस्त्यांवर सतत वाहतूक कोंडीचा सामना करावा लागत असून वाहन चालकांच्या सुरक्षेवरही प्रश्न निर्माण झाले असल्याचं अजित पवार पत्राद्वारे म्हणाले आहेत.
पुणे आणि परिसरातील वाहतूक कोंडी सोडवण्यासाठी या भागातून जाणाऱ्या राष्ट्रीय महामार्ग क्र. ६० (नाशिक फाटा ते खेड), राष्ट्रीय महामार्ग क्र. ६५ (हडपसर ते यवत) आणि राष्ट्रीय महामार्ग क्र. ५४८ डी (तळेगाव–चाकण–शिक्रापूर) या तिन्ही प्रमुख राष्ट्रीय महामार्गांचं तातडीनं रुंदीकरण करावं,… pic.twitter.com/vxK43PzTUY
— Ajit Pawar (@AjitPawarSpeaks) July 29, 2025
दरम्यान, सदर प्रस्तावास मान्यता देऊन आवश्यक निधी आणि प्रशासकीय मंजुरी तातडीनं मिळवून देण्याची विनंती गडकरी साहेबांकडे केली, जेणेकरून पुणे औद्योगिक परिसरातील वाहतूक समस्या दूर होण्यास मदत होईल, असेही अजित पवार म्हणाले आहेत.
महत्वाच्या बातम्या
-रेव्ह पार्टी प्रकरण: कोणी कोणी ड्रग्स घेतलं? ससूनच्या वैद्यकीय अहवालातून धक्कादायक माहिती समोर
-पुणे रेव्ह पार्टी प्रकरण: खडसेंच्या जावयाला जाणीवपूर्वक अडकवल्याचा वकिलांचा दावा
-अमली पदार्थ अन् विदेशी मद्य, पोलिसांच्या छाप्यात खडसेंच्या जावई जाळ्यात, नेमकं काय घडलं?
-अध्यक्षांपासून ते पदाधिकाऱ्यांपर्यंत महिलाराज; मोहोळांच्या गणेशोत्सव मंडळाचा स्तुत्य निर्णय
-राज्यसभा खासदार मेधा कुलकर्णी यांना संसदरत्न पुरस्काराने सन्मानित
