पुणे : पुणे जिल्ह्यातील मावळ लोकसभा मतदारसंघामध्ये महायुतीचे उमेदवार श्रीरंग बारणे आणि महाविकास आघाडीचे उमेदवार शिवसेनेच्या उद्धव ठाकरे गटाचे संजोग वाघेरे यांच्यात मुख्य लढत होत आहे. खासदार श्रीरंग बारणे, महाविकास आघाडीचे संजोग वाघेरे, वंचित बहुजन आघाडीच्या माधवी जोशी आणि बहुजन समाज पक्षाचे राजाराम पाटील यांच्यासह ३३ जण निवडणूक रिंगणात आहेत.
मावळ लाेकसभा मतदार संघात दि. १८ ते २५ एप्रिल दरम्यान ३८ जणांनी उमेदवारी अर्ज दाखल केले हाेते. उमेदवार छाननीमध्ये तिघांचे अर्ज बाद झाले. तर, ३५ उमेदवारांचे अर्ज पात्र झाले हाेते. अर्ज माघार घेण्याची मुदत २९ एप्रिल साेमवारपर्यंत हाेती. या मुदतीत भाऊसाहेब आडागळे आणि गाेपाल तंतरपाळे या दाेन अपक्ष उमेदवारांनी अर्ज मागे घेतला. मात्र उमेदवारांच्या गर्दीमुळे निवडणूक विभागाची डोकेदुखी वाढली आहे.
पुणे आणि रायगड जिल्ह्यात विभागलेल्या मावळ लाेकसभा मतदार संघातील चिंचवडमध्ये ५४९, पिंपरीत ४००, मावळमध्ये ३९०, पनवेलमध्ये ५४४, कर्जत ३३९ आणि उरणमध्ये ३४४ असे एकूण दोन हजार ५६६ मतदान केंद्र आहेत. प्रत्येक केंद्रावर ३ यानुसार मावळमध्ये एकूण ७ हजार ६९८ बॅलेट युनिट लागणार आहेत.
महत्वाच्या बातम्या-
-Shirur | बारामतीची पुनरावृत्ती शिरूर लोकसभेत; अमोल कोल्हेंची डोकेदुखी वाढली
-राज्यात उन्हाचा कडाका वाढला; या भागात ‘यलो अलर्ट’ जारी
-AIMIM चा पुण्यात जोरदार प्रचार; अनिस सुंडकेंच्या पदयात्रेला नागरिकांचा प्रतिसाद
-‘मुस्लिम लोक सर्वाधिक कंडोम वापरतात’; पंतप्रधान मोदींच्या ‘त्या’ टीकेवर ओवैसींचं प्रत्युत्तर
