पुणे : विधानसभा निवडणुकीत राजकीय घडामोडींना वेग आला असून आता राजकीय पक्षांकडून उमेदवार याद्या जाहीर करण्यात येत आहेत. महायुतीतील तिन्ही पक्षांनी पहिल्या याद्या जाहीर करत अनेक जागांवर आपले उमेदवार घोषित केले आहेत. भाजपकडून पुण्यात कोथरुडमध्ये चंद्रकांत पाटील, पर्वतीमधून माधुरी मिसाळ आणि शिवाजीनगरमधून सिद्धार्थ शिरोळे या ३ विद्यमान आमदारांना उमेदवारी जाहीर करण्यात आली आहे.
जोरदार शक्तीप्रदर्शन करत संपूर्ण कोथरुडकरांच्या साथीने चंद्रकांत पाटील यांनी आज कोथरुड विधानसभा निवडणुकीसाठी आपला उमेदवारी अर्ज दाखल केला आहे. चंद्रकांत पाटलांना साथ देण्यासाठी लाखो कोथरुडकरांनी हजेरी लावली होती. ‘कोथरुडकरांचा एकच वादा चंद्रकांतदादा चंद्रकांतदादा’ असा नारा यावेळी देण्यात आला.
कोथरुडमध्ये चंद्रकांत पाटलांनी मतदारसंघातील सर्व मंदिरांमध्ये जात दर्शन घेतलं आहे. यावेळी केंद्रीय राज्यमंत्री मुरलीधर मोहोळ, राज्यसभा खासदार मेधा कुलकर्णी, राष्ट्रवादी काँग्रेसचे शरहाध्यक्ष दीपक मानकर यांनी देखील चंद्रकांत पाटलांच्या या उमेदवारी अर्ज दाखल करण्यासाठी उपस्थित झाले आहेत.
“क्रांतीकारकांच्या पवित्र ठिकाणी जाऊन भेट देणं तसेच कसबा गणपतीचं दर्शन घेतलं दिवंगत खासदार गिरीष बापटांच्या घरी भेट दिली. आरएसएसच्या हेडकॉर्डरला भेट दिली. छत्रपती शिवाजी महाराज्याच्या पुतळ्याला हार घालून उमेदवारी अर्ज दाखल करण्याच्या प्रक्रियेला सुरवात केली. लोकसभेला मुरलीधर मोहोळ यांना मिळालेल्या ७४५०० मताधिक्य मिळालं त्यापेक्षा १ मत नक्कीच जास्त मिळावं, असा सर्वांचा संकल्प आहे. या निवडणुकीत ७४५०० पेक्षा एकही मत कमी होणार नाही. कडक ऊन असताना देखील ‘आम्ही येणार’ असं म्हणत स्वत:हून लोक उत्फुर्तपणे आले आहेत. हे पाहता विजय तर निश्चितच आहे”, असे चंद्रकांत पाटील म्हणाले आहेत.
कोथरुडमध्ये चंद्रकांत पाटलांविरोधात महाविकास आघाडीकडून अद्याप कोणताही उमेदवार जाहीर करण्यात आला नाही. आघाडीत हा मतदारसंघ शिवसेनेकडे जाणार आहे. मात्र अद्याप कोणाला उमेदवारी देण्यात आली नाही. तर मनसेकडून किशोर शिंदे यांना पुन्हा एकदा उमेदवारी देण्यात आली आहे.
महत्वाच्या बातम्या-
-मावळात शेळकेंची डोकेदुखी वाढली; बापू भेगडे अपक्ष निवडणूक लढणार, बाळा भेगडेंचा पाठिंबा कोणाला?
-Ambegaon: ‘वळसे पाटलांमुळे माझं जगणं कठीण झालंय’ उमेदवारी अर्ज भरण्याआधी आंबेगावात राजकीय राडा
-पुण्यात महाविकास आघाडीचे उमेदवार ठरेना! इच्छुकांचा जीव टांगणीला
-बारामतीत पुन्हा पवार विरुद्ध पवार; अजित दादांसमोर पुतण्याच थोपटणार दंड?
-दत्तात्रय भरणे विरुद्ध हर्षवर्धन पाटील? इंदापूरात तिसऱ्यांदा होणार काँटे की टक्कर!
