पुणे : पावसाळा सुरु झाला की महाराष्ट्रातील लाखो पाऊले माऊली… माऊली..च्या जयघोषात पंढरीच्या दिशेने चालू लागतात. विठ्ठल भक्तांना पंढरपूरच्या पांडुरंगाच्या दर्शनाची ओढ लागते. आषाढी एकादशीच्या वारीत वारकरी “माऊली… माऊली…” असा जयघोष करत पंढरीच्या वाटेवर पाऊले टाकतात. महाराष्ट्राच्या कानाकोपऱ्यातून हजारो दिंड्या या वारीत सहभागी होतात. मानाच्या १० पालख्यांसह लाखो वारकरी विठ्ठलाच्या भक्तीत मग्न होऊन नामसंकीर्तन करतात. ऊन, पाऊस, वारा याची पर्वा न करता ते आपल्या लाडक्या विठ्ठलाच्या भेटीसाठी पुढे चालत राहतात. यंदा ६ जुलै रोजी आषाढी एकादशी आहे आणि त्यासाठी पायी वारीला सुरुवात झाली आहे.
पंढरपूरच्या वारीसाठी राज्यभरातून येणाऱ्या मानाच्या पालख्यांमध्ये देहू येथील जगदगुरू संत तुकाराम महाराज आणि आळंदी येथील संत ज्ञानेश्वर महाराज यांच्या पालख्यांचा समावेश आहे. या दोन्ही पालख्यांचे प्रस्थान, आगमन आणि पंढरपूरहून परतीच्या प्रवासाचे वेळापत्रक जाहीर झाले आहे. त्यानुसार, १८ जुलै रोजी संत तुकाराम महाराज आणि १९ जुलै रोजी संत ज्ञानेश्वर महाराज यांच्या पालख्या पंढरपूरकडे मार्गस्थ होतील.
संत ज्ञानेश्वर महाराज पायी सोहळा वेळापत्रक
१९ जून माऊली पालखी प्रस्थान आळंदी ( प्रस्थान गुरुवारी आल्यामुळे संध्याकाळी आठ वाजता प्रस्थान होणार )
२० जून आळंदी ते पुणे,
२१ जून पुणे मुक्काम
२२ जून पुणे ते सासवड,( दिवेघाट वारकरी खेळ )
२३ जून सासवड मुक्काम
२४ जून सासवड ते जेजुरी, ( भंडाऱ्याची उधळण )
२५ जून जेजुरी ते वाल्हे, (जेजुरी खंडोबा दर्शन )
२६ जून वाल्हे ते लोणंद,(माऊलींना निरास्मान व सातारा जिल्हा प्रवेश)
२७ जून लोणंद ते तरडगाव
२८ जून तरडगाव ते फलटण
२९ जून फलटण ते बरड
३० जून बरड ते नातेपुते (सोलापूर जिल्हा प्रवेश व बरड येथे गोल रिंगण)
०१ जुलै नातेपुते ते माळशिरस (सदाशिवनगर येथे गोल रिंगण)
०२ जुलै माळशिरस ते वेळापूर (खुडूस येथे गोळ रिंगण)
०३ जुलै वेळापूर ते भंडी शेगाव (ठाकूर बुवा समाधी गोल रिंगण आणि टप्पा येथे बंधू भेट सोहळा)
०४ जुलै भंडी शेगाव ते वाखरी (बाजीराव विहीर येथे उभे रिंगण)
०५ जुलै वाखरी ते पंढरपूर, प्रवास व पौर्णिमेपर्यंत पंढरपूर मुक्काम (वाखरी येथे गोल रिंगण)
०६ जुलै देवशयनी आषाढी एकादशी
१० जुलै पंढरपुरातून आळंदीकडे परतीचा प्रवास
संत तुकाराम महाराज पायी सोहळा वेळापत्रक 2025
18 जून : प्रस्थान इनामदार वाड्यात मुक्काम
19 जून :देहू निगडी आकुर्डी प्रवास व आकुर्डी मुक्काम
20 जून: आकुर्डी ते पुणे नाना पेठ मुक्काम
21 जून :निवडुंगा विठ्ठल मंदिर पुणे मुक्काम
22 जून: पुणे हडपसर लोणी काळभोर प्रवास आणि मुक्काम
23 जून :लोणी काळभोर ते यवत प्रवास व मुक्काम
24 जून :यवत वरवंड चौफुला प्रवास व मुक्काम
25 जून : वरवंड ते उंडवडी गवळ्याची प्रवास व मुक्काम
26 जून : उंडवडी गवळ्याची ते बारामती प्रवास व मुक्काम
27 जून : बारामती काटेवाडी सणसर पालखीतळ मुक्काम ( काटेवाडी येथे मेंढी बकऱ्यांचे रिंगण )
28 जून : संसर बेलवाडी, निमगाव केतकी प्रवास मुक्काम
(बेलवडी येथे पहिले गोल रिंगण)
29 जून : निमगाव केतकी ते इंदापूर प्रवास व मुक्काम
(इंदापूर येथे गोल रिंगण )
30 जून : इंदापूर ते सराटी पालखीतळ प्रवास आणि मुक्काम
1 जुलै : सराटी ते अकलूज प्रवास व मुक्काम (अकलूज येथे गोल रिंगण व सोलापूर जिल्ह्यात आगमन)
2 जुलै : अकलूज ते बोरगाव प्रवास व मुक्काम
(माळीनगर येथे उभे रिंगण )
3 जुलै : बोरगाव ते पिराची कुरोली प्रवास आणि मुक्काम
4 जुलै : पिराची कुरोली ते वाखरी पालखीतळ मुक्काम
(बाजीराव विहीर येथे उभे रिंगण )
5 जुलै : वाखरी ते पंढरपूर मुक्काम (वाखरी येथे उभे रिंगण )
6 जुलै : एकादशी नगरप्रदक्षिणा आणि चंद्रभागा स्नान
10 जुलै : पंढरपुरातून देहूकडे परतीच्या प्रवासाला सुरुवात
महत्वाच्या बातम्या
-अल्पवयीन मुलीशी तिसऱ्या लग्नाचा घातला घाट, पहिलीने लढवली शक्कल पण….वाचा नेमकं काय झालं?
-पुण्याच्या ‘आयटी पार्क’ला ‘वॉटर पार्क’ ओळख कोणामुळे?
-अजितदादा भाषणाला उठताच प्रहार संघटनेच्या कार्यकर्त्यांनी घातला राडा; पोलिसांनी घेतलं ताब्यात
