पुणे : पुण्यातील हडपसर परिसरात आर्थिक व्यवहारातील त्रासामुळे एका व्यावसायिकाने गळफास घेऊन आत्महत्या केल्याची दुर्दैवी घटना घडली आहे. मयूर महेंद्रकुमार भलानी (वय ४६, रा. सिद्धी गार्डन, ससाणेनगर, हडपसर) असे मृत व्यावसायिकाचे नाव आहे. या प्रकरणी त्यांच्या पत्नीने काळेपडळ पोलीस ठाण्यात फिर्याद दाखल केली असून, सहा जणांविरुद्ध आत्महत्येस प्रवृत्त केल्याचा गुन्हा नोंदवण्यात आला आहे.
पोलिसांनी दिलेल्या माहितीनुसार, भलानी हे व्यवसाय करत होते आणि त्यांनी व्यवसायासाठी काही व्यक्तींकडून पैसे उधार घेतले होते. मात्र, आर्थिक व्यवहारात अडचणी निर्माण झाल्या आणि पैसे परत करण्यास विलंब झाल्याने त्यांना सतत त्रास दिला जात होता. या मानसिक तणावाला कंटाळून भलानी यांनी ३ जून रोजी राहत्या घरी गळफास घेऊन आपले जीवन संपवले.
भलानी यांच्या पत्नीने फिर्यादीत म्हटले आहे की, या त्रासामुळेच त्यांच्या पतीने टोकाचे पाऊल उचलले. सध्या या प्रकरणाचा तपास पोलीस उपनिरीक्षक विनायक गुरव करत आहेत. ही घटना परिसरात चर्चेचा विषय बनली असून, आर्थिक व्यवहारातील दबावामुळे होणाऱ्या गंभीर परिणामांवर प्रश्न उपस्थित झाले आहेत.
महत्वाच्या बातम्या
-हिंदी भाषा सक्तीबाबत केलेल्या वक्तव्यावरुन मुख्यमंत्री फडणवीसांना कायदेशीर नोटीस
-‘जात-पात ना धर्म रे माझ्या विठुराया पाशी’; पुण्यातील हा मुस्लिम करतोय वारकऱ्यांची सेवा
-पुण्यातील धक्कादायक प्रकार; दारु प्यायचा म्हणून कामावरुन काढून टाकलं, त्याचाच राग मनात धरला अन्…
-आळंदीत कत्तलखाना; मुख्यमंत्री देवेंद्र फडणवीसांनी स्पष्टच सांगितलं काय होणार
-‘मनसेसोबत युती केल्यास थोड्या तरी जागा येतील…’; चंद्रकांत पाटलांचा ठाकरेंना टोला
