पुणे : राज्यात लोकसभा निवडणुकीच्या पार्श्वभूमीवर सर्व पक्ष जोमाने तयारीला लागले आहेत. केंद्रीय निवडणूक आयोगाने निवडणुकीच्या तारखाही जाहीर केल्या आहेत. लोकसभा निवडणुकीची पहिल्या टप्प्यातील प्रक्रिया सुरू झाली, मात्र तरीही मावळमधील महायुतीच्या उमेदवारीचा तिढा सुटलेला नाही. शिवसेना उद्धव ठाकरे गटाचे नेते संजोग वाघेरे हे महाविकास आघाडीचे उमेदवार आहेत. वाघेरे यांनी मतदारसंघात आपल्या प्रचाराला सुरवात केली आहे.
मुख्यमंत्री एकनाथ शिंदे गटाचे खासदार श्रीरंग बारणे यांना उमेगवारी देण्याबाबत चर्चा आहेत. मात्र महायुतीमधील भाजप आणि राष्ट्रवादी काँग्रेस या दोन्ही पक्षांचा दावा अद्यापही कायम आहे. बारणे यांनी मुख्यमंत्र्यांची भेट घेतली तरीही मावळच्या उमेदवारीचा पेच वाढतच चालला आहे.
मित्रपक्षांची आक्रमक भूमिका
मावळ लोकसभा मतदारसंघात भाजप आणि राष्ट्रवादी काँग्रेस अजित पवार गटाकडून आधीपासूनच बारणेंच्या उमेदवारीला विरोध असून त्यांचा आक्रमक भूमिका आहे. मावळचे अजित पवार गटाचे आमदार सुनील शेळके यांनी उघडपणे बारणे यांच्या उमेदवारीला विरोध केला. त्यांच्यानंतर पिंपरी-चिंचवड शहर राष्ट्रवादीनेही मावळवर दावा करत माजी नगरसेवक भाऊसाहेब भोईर यांना उमेदवारी देण्याची मागणी केली आहे.
मावळचे भाजपचे माजी आमदार बाळा भेगडे हे लोकसभा निवडणूक लढविण्यासाठी तीव्र इच्छुक आहेत. त्यांच्या समर्थकांनी आक्रमक भूमिका घेतली आहे. ‘खासदार बारणे यांनी भाजपच्या कार्यकर्त्यांना कधीही विश्वासात घेतले नाही. मतदारसंघात भाजपची ताकत आहे. त्यामुळे हा मतदारसंघ भाजपला मिळावा, खासदार बारणे यांना उमेदवारी दिली तर आम्ही प्रचार करणार नाही, कार्यकर्ते विक्रमी संख्येने नोटाला मतदान करतील’, असा इशारा मावळच्या भाजप कार्यकर्त्यांनी दिला आहे.
महत्वाच्या बातम्या-
-महायुतीत वादाची ठिणगी “शिवतारेंना आवरा, त्यांच्यामुळे महायुतीतील वातावरण खराब होतंय”
-“शिवतारेंमुळे महायुतीला तडा जातोय, त्यांनी अजितदादांची जाहीर मागावी, अन्यथा आम्ही….”
-‘श्रीनिवास पवारांच्या बोलण्याचा वेगळा अर्थ काढला जातोय’; युगेंद्र पवारांची प्रतिक्रिया
-‘आपल्या माणसांसमोर मन मोकळे करायचे नाही का?’ सुप्रिया सुळेंकडून श्रीनिवास पवारांची पाठराखण
