पुणे : मागील २४ तासांत पुणे शहर आणि जिल्ह्यात पावसाने जोरदार हजेरी लावली आहे. सर्वत्र मुसळधार पाऊस कोसळत असून, जिल्ह्यातील अनेक भागात १०० मिलीमीटरपेक्षा अधिक पावसाची नोंद झाली आहे. गेल्या चार ते पाच दिवसांपासून पावसाने पुन्हा दमदार पुनरागमन केले आहे. विशेषतः घाटमाथ्यावर पावसाचे प्रमाण अधिक आहे, तर बुधवारी संध्याकाळपासून शहरातही जोरदार सरी बरसल्या.
हवामान विभागाच्या माहितीनुसार, ताम्हिणी येथे सर्वाधिक २३० मिलीमीटर पाऊस पडला, तर कुरवंडे येथे २१९ मिलीमीटर, गिरीवन येथे १६० मिलीमीटर, निमगिरी येथे ११६ मिलीमीटर, भोर येथे १०९ मिलीमीटर, माळीण येथे ६९ मिलीमीटर, तळेगाव येथे ६५ मिलीमीटर, लवळे येथे ६० मिलीमीटर, एनडीए येथे ५२ मिलीमीटर, नारायणगाव येथे ४८.५ मिलीमीटर, पाषाण येथे ३३ मिलीमीटर आणि शिवाजीनगर येथे ३१.५ मिलीमीटर पावसाची नोंद झाली. या पावसाने अनेक ठिकाणी रस्ते जलमय झाले, तर काही भागात वाहतूकही प्रभावित झाली.
हवामान विभागाने पुढील चार दिवस हलक्या ते मध्यम स्वरूपाच्या पावसाचा अंदाज वर्तवला आहे. यामुळे शेतकऱ्यांमध्ये आनंदाचे वातावरण आहे, कारण खरीप हंगामासाठी हा पाऊस लाभदायक ठरणार आहे. मात्र, शहरात पाणी साचण्याच्या समस्येकडे प्रशासनाने लक्ष देण्याची गरज आहे, जेणेकरून नागरिकांना त्रास होणार नाही.
महत्वाच्या बातम्या
-संत ज्ञानेश्वर महाराजांच्या पालखीतील मानाच्या अश्वांनी घेतलं श्रीमंत भाऊसाहेब रंगारी गणपतीचं दर्शन
-पिंपरी-चिंचवडच्या राजकारणात घडामोडींना वेग; लांडे, गव्हाणेंची शरद पवार गटातून हकालपट्टी
-फडणवीसांसोबत फोटो अन् ‘नेतृत्व दमदार’चा नारा; बिडकरांच्या स्टेट्समुळे भाजपमध्ये धुरळा
