पुणे : संपूर्ण राज्याला हादरुन ठेवणारी वैष्णवी हगवणे प्रकरण चर्चेचा विषय ठरला. त्यानंतर हुंड्यासाठी विवाहित महिलांचा छळ करणारे अनेक प्रकरणं समोर आली आहेत. नुकतंच शहरातून आणखी एक धक्कादायक घटना समोर आली आहे. एका विवाहित महिलेने सासरच्या छळाला कंटाळून आत्महत्या केल्याची धक्कादायक घटना घडली आहे.
स्वाती सुरज पाठक (वय २३) हिने हुंड्यासाठी होणाऱ्या सासरच्या त्रासाला वैतागून दुसऱ्या मजल्यावरून उडी मारून आपले जीवन संपवले आहे. याप्रकरणी तिच्या वडिलांनी वाघोली पोलिस ठाण्यात फिर्याद दिली, असून या फिर्यादीवरुन पोलिसांनी तिचा पती सुरज पाठक (वय २६) याला अटक केली आहे. तसेच, सासू सुनिता पाठक (वय ४५), दीर निरज पाठक (वय २३), मामा अरुण उपाध्याय (वय ४५) आणि मामा अरविंद उपाध्याय यांच्यावरही गुन्हा दाखल झाला आहे.
पोलिसांनी दिलेल्या माहितीनुसार, स्वाती आणि सुरज यांचा दीड वर्षापूर्वी विवाह झाला होता. लग्नात मुलाच्या कुटुंबाने ५ लाख रुपये आणि सोन्याच्या दागिन्यांची मागणी केली होती. ज्यापैकी १ लाख रुपये आणि ७ तोळे सोने हुंडा म्हणून घेतले गेले. लग्नानंतर हुंड्याची मागणी पूर्ण न झाल्याने स्वातीला मारहाण आणि मानसिक छळ सुरू झाला. तिच्या अंगावरील सोन्याचे दागिने पती आणि सासूने गहाण ठेवून पैसे घेतले आणि ते सोडवण्यासाठी स्वातीवर ३ ते ४ लाख रुपयांची मागणी केली जात होती.
स्वातीच्या वडिलांनी तिच्या सुखी संसारासाठी आणखी ३ लाख रुपये दिले, पण तरीही सासरच्यांकडून तिला शारीरिक आणि मानसिक त्रास दिला गेला. या सततच्या छळाला कंटाळून ७ जून २०२५ रोजी मध्यरात्री १२:३० स्वातीने दुसऱ्या मजल्यावरून उडी मारून आत्महत्या केली. सासरच्या जाचाला वैतागून तिने हे टोकाचे पाऊल उचलले. या घटनेने पुणे शहरात खळबळ उडाली आहे. सुसंस्कृत म्हणवल्या जाणाऱ्या पुण्यात हुंडा प्रथेची अनेक प्रकरण समोर येत असल्याने आश्चर्य व्यक्त केलं जात आहे.
महत्वाच्या बातम्या
-लग्न केलं अन् १३चं दिवसात संसार उद्ध्वस्त, ‘राजा’ची सोनम निघाली बेवफा
-गणेशोत्सवाबाबत उच्च न्यायालयाच्या महत्वाचा निर्णय; मूर्तिकार अन् मंडळाचा मार्ग झाला मोकळा
-पुण्यात शरद पवार-अजित पवार एकाच मंचावर; दादांनी पुन्हा काकांशेजारी बसणं टाळलं
-राज ठाकरे पुणे दौऱ्यावर असताना काका-पुतण्याचे एकत्रित फोटो; पुण्यातील बॅनरची तुफान चर्चा
