पुणे : पुणे जिल्ह्यातील रांजणगाव खंडाळे येथील तिहेरी हत्याकांडाच्या तपासात पोलिसांना महत्त्वाचे धागेदोरे मिळाले आहेत. २५ वर्षीय तरुणी आणि तिच्या दोन चिमुकल्यांचे (वय अंदाजे ४ वर्षे आणि १.५ वर्षे) अर्धवट जळालेले मृतदेह ग्रोवेल कंपनीच्या मागे, महामार्गापासून २०० मीटर अंतरावर सापडले. प्राथमिक तपासानुसार, या तिघांचा आधी जीव घेतला गेला आणि त्यानंतर येथे आणले गेले त्यांच्यावर पेट्रोल टाकून जाळण्याचा प्रयत्न झाला. मात्र, पावसामुळे आग पूर्णपणे पेटली नाही, ज्यामुळे काही पुरावे शिल्लक राहिले आहेत. यावरुन पोलिसांनी चौकशी केली असून आता पोलिसांना महत्वाचे धागेदोरे हाती लागले आहेत.
मृत महिलेच्या उजव्या हातावर ‘जय भीम’ असा टॅटू असून हाच पोलीस तपासातील महत्त्वाचा पुरावा ठरला आहे, जो मृताची ओळख पटवण्यास मदत करू शकतो. पोलीस अधीक्षक संदीपसिंग गिल यांच्या मार्गदर्शनाखाली रांजणगाव (एमआयडीसी) पोलीस ठाणे, फॉरेन्सिक पथक आणि गुन्हे शाखा तपास करत आहे. परिसरातील सीसीटीव्ही फुटेज तपासले जात आहेत. मृताच्या शवविच्छेदन अहवाल अद्याप आला नाही.
या तिहेरी हत्याकांडाचे घटनेने परिसरात खळबळ उडाली असून, स्थानिकांमध्ये भीतीचे वातावरण आहे. पोलिसांनी मारेकऱ्यांचा शोध घेण्यासाठी युद्धपातळीवर तपास सुरू केला आहे. ऑल इंडिया पँथर सेना याप्रकरणी लक्ष घालत असून, सखोल चौकशीची मागणी करत आहे.
महत्वाच्या बातम्या
-पुण्यात सायबर क्राईम वाढला; आमदार हेमंत रासनेंकडून ५ नवीन सायबर पोलीस ठाण्यांची मागणी
-नीलम गोऱ्हेंनी घेतली वैष्णवीच्या आई-वडिलांची भेट; म्हणाल्या, ‘महिला आयोगाच्या सदस्यांची…’
-‘निवडणूक आल्या की कोरोना कुठून तरी बाहेर निघतोय’; वसंत मोरेंना नेमकं काय म्हणायचं?
-फसवणुकीचा ‘गुजरात पॅटर्न’, पुणे पोलिसांनी केला पर्दाफाश; अमेरिकन नागरिकांना घातला जात होता गंडा
