पुणे : पुण्यातील राजा रघुवंशी हत्या प्रकरणाचा गुंता आता हळूहळू उलगडत आहे. राजाची पत्नी सोनमनेच त्याची हत्या केल्याचे स्पष्ट झाले आहे. हनिमूनसाठी मेघालयात गेलेल्या राजाचा मृतदेह पाच दिवसांनी सापडला, तर सोनम गाजीपूरला पळून गेली आणि नंतर पोलिसांच्या दबावाखाली आत्मसमर्पण केले. या प्रकरणात सोनमसह पाच जणांना अटक झाली आहे. सोनमने आपला प्रियकर राज कुशवाहसाठी, लग्नाच्या अवघ्या १३ दिवसांत पतीची हत्या केल्याचे समोर आले आहे.
१० मे २०२५ रोजी राजा आणि सोनमचा विवाह झाला. दोघेही आनंदी दिसत होते, पण हा आनंद फार काळ टिकला नाही. २० मे रोजी सोनमने नियोजित केलेल्या शिलाँगच्या हनिमूनसाठी ते रवाना झाले. २३ मे रोजी त्यांनी मेघालयातील अनेक ठिकाणे पाहिली आणि नोंग्रियाट येथील शिपारा होमस्टेमध्ये मुक्काम केला. मात्र, चेकआऊट केल्यानंतर दोघेही बेपत्ता झाले. सोनमने आधीच राजाच्या हत्येचा कट रचला होता. तिने सुपारी देऊन हत्या घडवली आणि स्वतः बेपत्ता झाली.
२ जून २०२५ रोजी मेघालयातील एका धबधब्याजवळ राजाचा सडलेला मृतदेह सापडला. त्याच्या हातावरील टॅटू आणि स्मार्ट वॉचमुळे ओळख पटली. ८ जून रोजी सोनम गाजीपूरच्या एका ढाब्यावर घाबरलेल्या अवस्थेत दिसली. तिने अपहरणाची खोटी कहाणी सांगितली, पण पोलिसांनी तिला ताब्यात घेतले. चौकशीत सोनमने प्रियकर राज कुशवाहच्या मदतीने हत्या केल्याची कबुली दिली. राज कुशवाह हा सोनमच्या वडिलांच्या प्लायवूड कारखान्यात काम करत होता, आणि लग्नापूर्वीपासूनच त्यांच्यात प्रेमसंबंध होते.
सोनमच्या कुटुंबाने ती निर्दोष असल्याचा दावा केला आहे. त्यांनी मेघालय पोलिसांवर खोटे आरोप लावण्याचा आणि मुलीला अडकवण्याचा आरोप केला, तसेच सीबीआय तपासाची मागणी केली. मात्र, सोनमने पोलिसांसमोर गुन्हा कबूल केला आहे. लग्नाला महिना उलटण्यापूर्वीच या नात्याचा असा भयंकर अंत झाला. राजाच्या आयुष्याचा शेवट करणारी सोनम बेवफा ठरली.
महत्वाच्या बातम्या
-गणेशोत्सवाबाबत उच्च न्यायालयाच्या महत्वाचा निर्णय; मूर्तिकार अन् मंडळाचा मार्ग झाला मोकळा
-पुण्यात शरद पवार-अजित पवार एकाच मंचावर; दादांनी पुन्हा काकांशेजारी बसणं टाळलं
-राज ठाकरे पुणे दौऱ्यावर असताना काका-पुतण्याचे एकत्रित फोटो; पुण्यातील बॅनरची तुफान चर्चा
-‘छत्रपती शिवाजी महाराज भारत गौरव पर्यटन रेल्वे’ आजपासून सुरु; पहा तिकीटाचे दर किती?
