पुणे : संतश्रेष्ठ ज्ञानेश्वर महाराजांच्या पालखीतील मानाच्या अश्वांनी हिंदुस्थानातील पहिला सार्वजनिक गणपती, श्रीमंत भाऊसाहेब रंगारी गणपतीचे दर्शन घेतले. या प्रसंगी भाविक आणि मान्यवरांच्या उपस्थितीत गणपतीची आरती करण्यात आली. अंकली (कर्नाटक) येथील शितोळे सरकारांचे हे अश्व दरवर्षी पायी प्रवास करून ज्ञानेश्वर माऊलींच्या पालखी सोहळ्यात सहभागी होतात. या दोन अश्वांना पालखी सोहळ्यात विशेष मानाचे स्थान आहे.
उद्या, १९ जून रोजी संत ज्ञानेश्वर महाराजांच्या पालखीचे प्रस्थान होणार असून, हे दोन्ही अश्व पंढरपूरपर्यंतच्या या पवित्र यात्रेत सहभागी होतात. वारकरी संप्रदायातील १८३२ पासून चालत आलेली ही समृद्ध परंपरा आहे. पालखी मार्गस्थ झाल्यावर माऊलींच्या रथापुढे असणारा अश्व माऊलींचा अश्व म्हणून ओळखला जातो, तर जरीपटका घेऊन असणारा अश्वस्वार स्वाराचा अश्व म्हणून संबोधला जातो. अंकली येथील शितोळे राजे यांच्याकडे या अश्वांची ही मानाची जबाबदारी आहे.
मंगळवारी या अश्वांनी श्रीमंत भाऊसाहेब रंगारी गणपतीचे दर्शन घेतले. यावेळी शितोळे राजे यांचा यथोचित सन्मान करण्यात आला. श्रीमंत भाऊसाहेब रंगारी ट्रस्टचे अध्यक्ष, विश्वस्त, भाविक आणि कार्यकर्ते या सोहळ्यास उपस्थित होते. हा प्रसंग वारकरी परंपरेच्या गौरवशाली इतिहासाचे आणि भक्तीच्या अटळ निष्ठेचे प्रतीक आहे.
महत्वाच्या बातम्या
-पिंपरी-चिंचवडच्या राजकारणात घडामोडींना वेग; लांडे, गव्हाणेंची शरद पवार गटातून हकालपट्टी
-फडणवीसांसोबत फोटो अन् ‘नेतृत्व दमदार’चा नारा; बिडकरांच्या स्टेट्समुळे भाजपमध्ये धुरळा
-धीरुभाई अंबानींबाबत केलेल्या वक्तव्यावरुन अजितदादांचं स्पष्टीकरण, म्हणाले, ‘काय बोलायचं ते…’
