पुणे : राज्यात लोकसभा निवडणुका तोंडवर आल्याच्या पार्श्वभूमीवर सर्व राजकीय पक्ष तयारीला लागले आहेत. त्यातच मनसे अध्यक्ष राज ठाकरे यांनी लोकसभा निवडणुकीच्या पार्श्वभूमीवर राज्यभर दौरे सुरू केले आहेत. हे आज जुन्नर तालुक्याच्या दौऱ्यावर होते. माघी गणेश जयंतीच्या मुहूर्तावर राज ठाकरे हे आज विघ्नहर गणपतीचे दर्शन केले. या दौऱ्यात श्रीक्षेत्र ओझर येथे त्यांनी दर्शन सभा मंडप आणि भक्ती-शक्ती शिल्पाचे लोकार्पण देखील केले. यावेळी त्यांनी गणपतीला अभिषेक देखील केला आहे.
आज सकाळीच राज ठाकरे ओझर येथे दाखल झाले. भर सकाळी त्यांनी ओझर मंदिर परिसराची पाहणी देखील केली. राज ठाकरे यांनी गणपतीला अभिषेक करत दर्शन घेतले. मनसे पदाधिकारी यावेळी मोठ्या संखेने उपस्थित होते. राज ठाकरे जुन्नर तालुक्यातील पदाधिकारी आणि कार्यकर्त्यांच्या भेटी घेणार असून त्यांना मार्गदर्शन करणार आहेत.
राज ठाकरे हे मुंबईकडे रवाना होणार आहे. लोकसभा निवडणुकीच्या पार्श्वभूमीवर राज ठाकरे यांनी राज्यभरात दौरे सुरू केले असून विविध ठिकाणी कार्यक्रम करत आहेत. येत्या काही दिवसात मनसेकडून कुणाला उमेदवारी जाहीर होणार यावर शिक्कामोर्तब होणार आहे. यंदाच्या लोकसभा निवडणुकीत मनसे किती जागा लढवणार? हे अद्याप तरी समोर आले नसले तरी राज ठाकरे यांच्या दौऱ्यातून लोकसभेची जय्यत तयारी सुरू असल्याचं स्पष्ट दिसून येत आहे.
महत्वाच्या बातम्या-
-वृक्षरोपणाला जागा नाही तरीही पुणे महापालिका लावणार ५ कोटी रुपयांची झाडे
-कोणाच्या घशात जाण्याअगोदर खडकवासल्याच्या ऑक्सिजन पार्कचं काम सुरु- चंद्रकांत पाटील
-योगी आदित्यनाथ यांच्या वक्तव्याचा प्रशांत महाराजांकडून निषेध; म्हणाले…
-पुण्यात भाजपचे इव्हेंट वॉर; इच्छुक उमेदवार सुनिल देवधर मात्र एकाकी
-टिईटी घोटाळ्यातील आरोपीचे एक कोटिचे दागिने न्यायालयाकडून परत!!
