पुणे : शिवाजीनगर पोलीस वसाहतीतील निवासी आणि खडक पोलीस ठाण्यात कार्यरत असलेले पोलीस कर्मचारी सचिन हरीश्चंद्र सुर्वे (वय ४० वर्षे) यांनी आपल्या राहत्या घरात गळफास घेऊन आत्महत्या केल्याची धक्कादायक घटना घडली आहे. शुक्रवारी दुपारी ही घटना उघडकीस आली. या घटनेमुळे पुणे पोलीस दलात शोककळा पसरली असून, परिसरातही हळहळ व्यक्त केली जात आहे.
सचिन सुर्वे हे शिवाजीनगर येथील पोलीस वसाहतीतील नवीन इमारतीत राहत होते. त्यांची पत्नी आणि दहावीत शिकणारी मुलगी गावी गेल्याने ते घरी एकटेच होते. शुक्रवारी दुपारी त्यांनी गळफास घेतल्याची माहिती मिळताच शिवाजीनगर पोलीस घटनास्थळी पोहोचले. त्यांनी सुर्वे यांचा मृतदेह ताब्यात घेऊन शवविच्छेदनासाठी ससून रुग्णालयात पाठवला. पोलिसांनी सुर्वे यांच्या कुटुंबियांना या घटनेची माहिती दिली असून, कुटुंबीयांवर दुखाचा डोंगर कोसळला आहे.
या आत्महत्येमागील नेमके कारण अद्याप स्पष्ट झालेले नाही. सुर्वे यांची अलीकडेच कोंढवा येथे बदली झाल्याने त्यांनी हे टोकाचे पाऊल उचलले असावे, अशी चर्चा सुरु आहे. शिवाजीनगर पोलिसांनी या प्रकरणी अकस्मात मृत्यूची नोंद केली असून, पुढील तपास सुरू आहे. या घटनेने पोलीस दलासह स्थानिक नागरिकांनाही मोठा धक्का बसला आहे.
महत्वाच्या बातम्या
-…म्हणून माझ्या चेहऱ्यावर निवडणूक आपण लढविणार आहोत; अजितदादांनी दिले स्वबळावर लढण्याचे संकेत
-बुधवार पेठेत वेश्या व्यवसाय करणाऱ्या महिलेने हातउसने पैसे परत केले नाहीत म्हणून त्याने थेट…
-चौकीदारही चोर है! बारामतीत पोलिसानेच मारला विद्यार्थ्यांच्या दप्तर अन् मोबाईलवर डल्ला
