पुणे : भाजप नेते आणि उच्च व तंत्रशिक्षणमंत्री चंद्रकांत पाटील यांनी शिवसेना ठाकरे गट आणि मनसेच्या संभाव्य युतीवर भाष्य करताना उद्धव ठाकरेंवर मिश्कील टीका केली. पुण्यात माध्यमांशी बोलताना ‘मनसेसोबत युती केल्यास ठाकरेंना काही जागा तरी मिळतील’, असा टोला त्यांनी लगावला आहे.
हिंदी सक्तीच्या मुद्द्यावर बोलताना पाटील म्हणाले, प्रत्येक गोष्टीचे राजकारण करणे गरजेचे नाही. राज्यात हिंदी सक्ती लागू झालेली नाही. इंग्रजीला जगाची भाषा मानले जाते, मग हिंदीला का विरोध, असा सवाल त्यांनी उपस्थित केला. तिसऱ्या भाषेच्या आग्रहाऐवजी इंग्रजीला विरोध करणारे हिंदीलाही का विरोध करतात, असे ते म्हणाले. मनसेच्या हिंदीविरोधी भूमिकेवर नाराजी व्यक्त करताना ते म्हणाले, लोकशाहीत प्रत्येकाला शिकण्याचा अधिकार आहे, पाट्या फोडणे योग्य नाही.
उद्धव ठाकरेंच्या मनसे युतीच्या वक्तव्यावर प्रतिक्रिया देताना पाटील यांनी ठाकरेंना डिवचले. युतीसाठी उशीर का, दोन मिनिटांत निर्णय घ्या, असे ते म्हणाले. भाजपच्या वाढीमुळे इतर पक्ष विखुरले गेले, असे सांगत त्यांनी ठाकरे गटाला टोला लगावला. ठाकरेंनी मनसेसोबत युती केली तर त्यांना काही जागा मिळतील, अन्यथा त्यांचे नगरसेवकही निवडून येणार नाहीत, असे ते म्हणाले.
पाटील पुढे म्हणाले, निवडणुकीला अजून चार महिने आहेत, तोपर्यंत ठाकरे गटाचे नगरसेवक एकनाथ शिंदेंकडे जातील. ठाकरेंनी शरद पवार आणि काँग्रेससोबत प्रयत्न केले, पण त्यांना यश मिळाले नाही. आता ते मनसेकडे वळले आहेत. लोकशाहीत चांगला विरोधक असावा, असे सांगत त्यांनी शिवसेना-मनसे युतीच्या चर्चांवर ठाकरेंना पुन्हा चिमटा काढला.
महत्वाच्या बातम्या
-ज्ञानोबा, तुकोबांच्या पालख्या आज पुण्यात, पालिकेकडून स्वागताची तयारी
-‘तुमचा वस्ताद अजितदादा अन् त्यांनीचं तुम्हाला लंगोट…’, महेश लांडगेंना राष्ट्रवादीचं सडेतोड उत्तर
-भाजप शहराध्यक्ष धीरज घाटेंवर वीज चोरीचा आरोप; नेमकं काय प्रकरण?
-नितेश राणे म्हणाले ‘कोण वसंत मोरे?’ तात्यांनी लावला ‘तो’ व्हिडीओ
