पुणे : सांस्कृतिक केंद्र आणि विद्येचं माहेरघर म्हणून ओळखल्या जाणाऱ्या पुणे शहरात अलीकडच्या काळात महिलांवरील अत्याचाराच्या घटनांमध्ये वाढ झाल्याचे दिसून येत आहे. स्वारगेट बसस्थानकावर तरुणीवर झालेल्या लैंगिक अत्याचाराची घटना घडली. त्यानंतर नुकतीच वैष्णवी हगवणे मृत्यू प्रकरण समोर आलं. संपूर्ण राज्याला हादरुन सोडणाऱ्या अशा अनेक घटना शहरातून समोर येत आहेत. अशातच आता बिबवेवाडी परिसरात एक धक्कादायक घटना घडली आहे.
एका ४० वर्षीय व्यक्तीने ३७ वर्षीय विवाहित महिलेला धमकावून तिच्यावर लैंगिक अत्याचार केले. या नराधमाने अत्याचारानंतर महिलेचे फोटो आणि व्हिडीओ काढले आणि ते तिच्या वडिलांना पाठवण्याची धमकी देत तिच्यावर मानसिक दबाव टाकला. या घटनेमुळे सर्वत्र संताप व्यक्त होत आहे. आरोपीला बिबवेवाडी पोलिसांनी
पोलिसांनी दिलेल्या माहितीनुसार, आरोपी नानासाहेब (पूर्ण नाव तपासात) गेल्या दोन महिन्यांपासून पीडित महिलेला सतत त्रास देत होता. माझ्याशी लग्न कर नाहीतर हे फोटो तुझ्या वडिलांना पाठवीन, अशी धमकी देत लग्नासाठी तगादा लावला. त्याने तिच्यावर लग्नासाठी जबरदस्ती केली आणि मानसिक दबाव टाकला. आरोपीने धमकी दिली की, जर तिने लग्नाला नकार दिला तर तो तिच्या कामाच्या ठिकाणी जाऊन फिनाइल पिऊन आत्महत्या करेल. या धमकीने घाबरलेली पीडिता त्याच्या गाडीत बसली आणि त्याच्यासोबत लॉजवर गेली आणि त्याने तिच्यावर जबरदस्तीने लैंगिक संबंध प्रस्थापित केले.
आरोपीने तिचे फोटो आणि व्हिडीओ काढले, ज्यांचा वापर करून त्याने तिला आणखी त्रास दिला. या त्रासाला कंटाळून पीडितेने बिबवेवाडी पोलीस ठाण्यात तक्रार दाखल केली. पोलिसांनी आरोपीविरुद्ध गंभीर कलमांखाली गुन्हा नोंदवला असून, तपास सुरू आहे. पीडितेने दाखल केलेल्या तक्रारीनुसार, आरोपीने तिला लग्नासाठी तगादा लावताना तिचे फोटो आणि व्हिडीओ तिच्या वडिलांना पाठवण्याची धमकी दिली. या घटनेमुळे पुण्यातील महिलांच्या सुरक्षिततेचा प्रश्न पुन्हा एकदा चर्चेत आला आहे.
महत्वाच्या बातम्या
-शरद पवारांच्या राष्ट्रवादीची महत्वाची बैठक; पदाधिकाऱ्यांना दिल्या ‘या’ महत्वाच्या सूचना
-‘सिंहगडा’वर मोठी कारवाई; आजपर्यंतच्या इतिहासात कधीच घडलं नाही असं ५ दिवसांत घडलं
-पालिका निवडणुकीची तयारी, पुण्यात राज ठाकरेंनी बोलावली बैठक, मनसे काय निर्णय घेणार?
-पुण्यात प्रभाग रचना बदलली जाणार, कशी असणार नवीन रचना? आज येणार महत्त्वाची अपडेट
-पुणेकरांसाठी महत्वाची बातमी; गुरुवारी शहरातील ‘या’ भागात पाणी पुरवठा बंद
