पुणे : पिंपरी चिंचवडमध्ये भाजप आणि राष्ट्रवादी काँग्रेस (AP) यांच्यातील राजकीय संघर्ष चांगलाच रंगताना दिसतोय. महापालिका निवडणुकीची तयारी सुरू होण्यापूर्वीच महायुतीत अंतर्गत तणाव निर्माण होण्याची शक्यता आहे. आमदार महेश लांडगे यांनी मुख्यमंत्री देवेंद्र फडणवीस यांच्या उपस्थितीत उपमुख्यमंत्री अजित पवार यांच्यावर अप्रत्यक्षपणे निशाणा साधत आक्रमक वक्तव्य केलं. याला प्रत्युत्तर देत राष्ट्रवादीचे प्रवक्ते उमेश पाटील यांनी लांडगेंवर जोरदार टीका केली.
राष्ट्रवादीचे प्रवक्ते उमेश पाटील यांनी लांडगेंना चांगलाच टोला लगावला आहे. तुमचा वस्ताद अजितदादा आहे अन त्यांनीचं तुम्हाला लंगोट घालायला शिकवली, तेव्हा कुठं तुम्ही पैलवान झाले. हे विसरु नका अन वस्ताद शेवटी एक डाव राखून ठेवतो असा इशाराही राष्ट्रवादीचे प्रवक्ते उमेश पाटलांनी दिला आहे.
अजित पवारांनी भोसरीत भाजपच्या कथित भ्रष्टाचारावर टीका केल्यानंतर दुसऱ्याच दिवशी लांडगेंनी आक्रमक पवित्रा घेतला. “मी पैलवान आहे, कोणाला घाबरत नाही,” असं म्हणत त्यांनी अजित पवारांना ललकारल्याचं पहायला मिळालं. यावर मुख्यमंत्र्यांनी “पब्लिक सब जाणती आहे,” असा सल्ला देत लांडगेंना संयम राखण्याची सूचना केली. मात्र राजकीय कलगीतुऱ्यात आता अजित पवारांचे समर्थकही आखाड्यात उतरले आहेत.
उमेश पाटील यांनी लांडगेंना पुन्हा सावध करत म्हटलं, “तुमचा वस्ताद कोण? तुम्ही कोणामुळं पैलवान झाले? हे न विसरण्याचा सल्ला दिला. तसेच वस्ताद शेवटी एक डाव राखून ठेवतो”, असा इशारा देखील उमेश पाटलांनी दिला आहे. या वादामुळे पिंपरी चिंचवडच्या राजकीय वातावरणात तणाव वाढला असून, महायुतीच्या एकजुटीवर प्रश्नचिन्ह निर्माण झालं आहे.
महत्वाच्या बातम्या
-भाजप शहराध्यक्ष धीरज घाटेंवर वीज चोरीचा आरोप; नेमकं काय प्रकरण?
-नितेश राणे म्हणाले ‘कोण वसंत मोरे?’ तात्यांनी लावला ‘तो’ व्हिडीओ
-पुण्याला पावसाने झोडपलं, जिल्ह्यात १०० मिलीमीटरपेक्षा अधिक पावसाची नोंद
-संत ज्ञानेश्वर महाराजांच्या पालखीतील मानाच्या अश्वांनी घेतलं श्रीमंत भाऊसाहेब रंगारी गणपतीचं दर्शन
