पुणे : पुण्यातील विद्यार्थ्यांचा ग्रूप दिल्ली व जालंधरच्या सहलीसाठी आला होता. ते सर्वजण पुण्यात विमानाने येणार होते. जालंधर ते दिल्ली हा प्रवास ज्या बसने करत होते त्या बसेस दिल्लीच्या वाहतूक कोंडीत सापडल्याने विमान चुकणार होते. त्यामुळे त्यांनी तातडीने केंद्रीय नागरी उड्डाण मंत्री मुरलीधर मोहोळ य़ांच्या पुण्यातील कार्यालयाशी संपर्क साधून अडचण सांगितली. मोहोळ यांच्या कार्यालयाने तत्परतेने सूत्र फिरवून त्या मुलांना त्याच दिवशी रात्री विमानाने पुण्यात आणले.
पुणेकर्स एज्युकेशन इनिशिएटिव्हच्यावतीने त्या पुण्यातील नामवंत शाळेतील १२० मुले आणि त्यांसोबत इतर २० जण असे १४० जण दिल्ली, जालंधरला शैक्षणिक सहलीसाठी गेले होते. त्यांची आमची परतीची तिकीटे बुधवार (दि १७) रात्री ८:२० च्या विमानाची होती. विमानतळावर दोन तास अगोदर पोचण्यासाठी त्यांनी दिल्लीला येण्यासाठी बसने सकाळी साडेसातवाजता जालंधर सोडले. वाटेत अर्ध्यातासाचा लंचब्रेकही सर्वांनी घेतला. त्यांचा दिल्लीपर्यंतचा प्रवास निर्विघ्न झाला. खरी परिक्षा तिथूनच सुरू झाली.
दिल्लीच्या विमानतळापासून साधारणत २५ किमीवर त्यांच्या बसेस वाहतूक कोंडीत सापडल्या. आमच्या बसेसना उशिर होत होता. मुलांना रात्री विमानात फूड पॅकेटसची व्यवस्था विमानतळावर केली होती. ते सर्वजण संपर्क करत होते अन ट्रॅफिक जॅमची अपडेट देत होते. विमानतळापर्यंत अशीच परिस्थिती असेल तर आम्हाला आमचे विमान गाठता येणे अशक्य वाटत होते.
पुण्याचे खासदर मुरलीधरजी मोहोळ, नागरी उड्डाण राज्यमंत्री असल्याचे पुणेकर्स एज्युकेशन इनिशिएटिव्हच्या लीना म्हसवडे यांनी संध्याकाळी साडेसहा वाजता मोहोळ यांच्या पुण्याच्या कार्यालयात फोन करून त्यांच्या पीएना आमची अडचण सांगितली. त्यांनी दिल्लीच्या कार्यालयातील एकाचा नंबर दिला. त्यांना मी फोन लावला. त्यांनी आणखी एक नंबर दिला. त्यांनाही फोन लावून आमची अडचण सांगितली.
त्यानंतर चक्र फिरली अन अवघ्या दहाच मिनिटात त्यांना इंडिगो एअरलाइन्समधून फोन आला. एअरलाइन्सने आमची महिती घेतली आणि बसेसचे नेमके लोकेशनही घेतले. त्या वाहतूक कोंडीतून पुढे सरकत अखेर आम्ही विमानतळावर पोचलो. कंपनीने काही जणांची सोय सव्वानऊच्या विमानात आणि इतरांची साडेअकराच्या विमानात व्यवस्था केली होती. इंडिगोच्या कर्मचार-यांनी मुलांची सुरक्षा तपासणीसाठी मदत केली. त्यांचे फूड पॅकेटस आत नेऊ मुलांना देण्याचीही परवानगी दिली. राज्यमंत्री मोहोळ यांच्या कार्यालयाने दाखवलेल्या तत्परतेने ही सहल नियोजनानुसार उशिरा का होईना पण बुधवारी रात्रीच पुण्यात पोचली.
“आपण मंत्री आणि राजकारण्यांना नेहमी नावे ठेवतो, पण या प्रसंगाने माझा मोहोळसाहेब आणि एकंदर सिस्टीम वरचा विश्वास कितीतरी पटीने वाढला. आपण मतदार म्हणून योग्य कार्यक्षम खासदार निवडून दिल्याबद्दल खूप समाधान वाटले”, असे लीना म्हसवडे यांनी सांगितले.
महत्वाच्या बातम्या-
-Assembly Election: जगताप कुटुंबातील वाद मिटला; अखेर चिंचवडचा उमेदवार ठरला?
-मावळात राजकारण पेटलं! ‘आमच्यात फूट पाडणाऱ्यांचा…’ सुनील शेळकेंनी दिला इशारा
-अजित पवारांच्या भेटीनंतर मानकरांची नाराजी दूर; म्हणाले, ‘एकी ठेऊन आता विधानसभेला…’
-जगदीश मुळीकांनी घेतली बानकुळेंची भेट; वडगाव शेरी भाजपकडे घेण्याबाबत चर्चा?
-कसब्याचा फैसला बावनकुळेंनी एका शब्दात संपवला; ‘उमेदवार जातीवर नाही तर त्याच्या कर्तृत्वावर…’
