पुणे : वैष्णवी हगवणे प्रकरणाने संपूर्ण राज्यात संतापाची लाट उसळली आहे. आजच्या काळातही हुंडा आणि कौटुंबिक छळासारख्या अमानवीय घटना घडत असल्याने समाजात तीव्र नाराजी पसरली आहे. वैष्णवीने सासरच्या शारीरिक आणि मानसिक जाचाला कंटाळून 16 मे रोजी आपले आयुष्य संपवले. या प्रकरणी तिचा पती शशांक हगवणे, सासू लता हगवणे, नणंद करिश्मा हगवणे, सासरा राजेंद्र हगवणे आणि दीर सुशील हगवणे यांना पोलिसांनी अटक केली आहे. सध्या त्यांची कसून चौकशी सुरू असून, बुधवारी कोठडी संपल्याने सर्व आरोपींना न्यायालयात हजर करण्यात आले.
न्यायालयात हगवणे कुटुंबीयांचा बचाव करणाऱ्या वकिलांनी अत्यंत आक्षेपार्ह युक्तिवाद केला. त्यांनी वैष्णवीच्या चारित्र्यावर प्रश्नचिन्ह उपस्थित करत ती नको त्या व्यक्तींसोबत चॅट करायची, तसेच तिची प्रवृत्तीच आत्महत्या करणारी होती, असा दावा केला. अशा प्रकारच्या युक्तिवादाने वैष्णवीच्या कुटुंबीयांचा आणि समाजाचा संताप आणखी वाढला आहे. या संवेदनशील प्रकरणात अशा टीकांनी वकिलांच्या भूमिकेवरही प्रश्नचिन्ह निर्माण झाले आहे.
वकीलावरच केस फाईल करण्याची वेळ आलीय!
हे असले बुरसटलेले आणि चुकीचे पुरूषी विचार आता या काळात कोर्टात मांडणेदेखील अवमानकारक आहे…
कठीण आहे! https://t.co/2yV1ASigUQ
— Hemant Dhome । हेमंत ढोमे (@hemantdhome21) May 28, 2025
या घटनेनंतर सामाजिक स्तरावर तीव्र प्रतिक्रिया उमटत आहेत. मराठी अभिनेता आणि दिग्दर्शक हेमंत ढोमे यांनीही यावर आपला संताप व्यक्त केला आहे. ‘वकीलावरच केस फाईल करण्याची वेळ आलीय! हे असले बुरसटलेले आणि चुकीचे पुरूषी विचार आता या काळात कोर्टात मांडणेदेखील अवमानकारक आहे…कठीण आहे!’, अशी पोस्ट आज हेमंत ढोमे यांनी केली आहे.
महत्वाच्या बातम्या
-वैष्णवीचे चारित्र्यहनन करणाऱ्या वकिलाचे जुने कांड उघड; “3 वर्षापूर्वीच एका वकिलाला…”
-आता भाजप आमदारही नाहीत सुरळीत? शिवीगाळ केली अन् घरात घुसण्याचा प्रयत्न, एकाला अटक
-हगवणे बंधूंच्या अडचणी वाढणार; पोलीस तपासात पिस्तूलबाबत धक्कादायक माहिती समोर
-20 वर्षांचा संसार क्षणात मोडला; पुण्यात एकाच दिवसात घटस्फोटाचा दावा मंजूर
