पुणे : काही महिन्यांवर येऊन ठेपलेल्या स्थानिक स्वराज्य संस्था निवडणुकीच्या पार्श्वभूमीवर राज्यतील राजकीय पक्षांची तयारी सुरु आहे. काही पक्षांतून स्वबळावर लढण्याचे संकेत दिले जात आहेत तर काही नेत्यांकडून मित्रपक्षांसोबत लढण्याचे सांगितले जात आहे. अशातच मनसे-ठाकरेंची शिवसेना आणि राष्ट्रवादीच्या एकत्र येण्याच्या चर्चा सुरु आहेत. अशातच राष्ट्रवादीचे आमदार अमोल मिटकरी यांनी वक्तव्याने अनेकांच्या भुवया उंचावल्या आहेत. दोन्ही राष्ट्रवादी काँग्रेस आणि उद्धव ठाकरे-राज ठाकरे एकत्र येण्यावर राष्ट्रवादीचे मिटकरी यांनी मोठं वक्तव्य केलं आहे.
‘पांडुरंगाची ईच्छा असेल तर बहीण-भाऊ आषाढी एकादशीपर्यंतही एकत्र येऊ शकतात’, असा गौप्यस्फोटच मिटकरी यांनी केला आहे. १० तारखेला पक्षाच्या मेळाव्यापर्यंत वाट बघा, मेळाव्यात मोठे संकेत मिळण्याचे सुतोवाच मिटकरींनी केले आहेत. आता मिटकरी यांच्या वक्तव्यावर आणि दोन राष्ट्रवादी एकत्र येण्यावर खासदार सुप्रिया सुळे यांनी प्रतिक्रिया दिली आहे.
‘हा काय माझा निर्णय नाही, कोण कुठे जाणार आहे? हा पक्षाचा निर्णय आहे. पवार साहेबांचे राजकारण आपल्याला सगळ्यांना माहीत आहे. पवारसाहेब जो निर्णय घेत आहेत, तो लोकशाही मार्गाने घेत असतात. यासंदर्भात मी सगळ्यांशी चर्चा करेल, कार्यकर्त्यांच्या मनात काय आहे ते मला कळेल. अजित पवार आणि मी लहानपणापासून बहीण-भाऊ आहोत, मिटकरी यांची जी इच्छा आहे, त्याबद्दल मी आभारी आहे’, असे सुप्रिया सुळे यांनी म्हणाल्या आहेत.
सुप्रिया सुळेंच्या वक्तव्यावर आता अमोल मिटकरींनी देखील प्रतिक्रिया दिली आहे. ”सुप्रियाताईंनी आभार मानायचं काम नाही, कारण त्या खूप मोठया आहेत. दादा आणि ताईचं बहीण-भावाच नातं जन्मापासून आहे. दोन्ही पक्ष एकत्र असलं पाहिजे प्रत्येकाला वाटतं, तशी भावना आहेत. मात्र, अंतिम निर्णय अजितदादा घेतील, त्यांचा निर्णय आमच्यासाठी सर्वोच्च आहे, असे मिटकरी यांनी म्हटले.
महत्वाच्या बातम्या
-पालिका निवडणुकीपूर्वी काँग्रेसमध्ये भूकंप होणार, माजी आमदारासह अनेक नगरसेवक पक्षाला सोडचिठ्ठी देणार
-मुख्यमंत्री फडणवीस पुणे दौऱ्यावर; प्लास्टिक संकटाबाबत केली चिंता व्यक्त
-८ वर्षे महिन्याला ५० हजारांची खंडणी, तरीही व्यापाऱ्याला दमदाटी; शिवम आंदेकरच्या मुसक्या आवळल्या
-पालिका निवडणुकीसाठी शिंदेंचा ‘मास्टर प्लॅन’ रेडी; शनिवारी बोलवली महत्वाची बैठक
-चंद्रकांत पाटलांचा संताप्रती कृतज्ञता सोहळा, वारीला जाणाऱ्या वैष्णवांसाठी उपयुक्त साहित्य वाटप
