पुणे : राज्यात सध्या मराठी भाषेच्या मुद्द्यावरून राजकीय वातावरण तापलेले दिसत आहे. याचवेळी, धर्मांतर आणि लव्ह जिहादच्या मुद्द्यांवरून भाजप नेते आणि आमदार गोपीचंद पडळकर यांनी आक्रमक भूमिका घेतली आहे. पडळकर यांनी मंगळवारी पुण्यात आयोजित धर्मांतरविरोधी मोर्चात सहभाग घेतला. या कार्यक्रमात बोलताना पडळकर यांनी शहरातील एफसी रोड परिसरात लव्ह जिहादचा एक विशिष्ट पॅटर्न सुरू असल्याचा गंभीर दावा केला आहे. ‘या भागातील बाजारपेठेत लव्ह जिहादचे रॅकेट सुरु आहे, असं पडळकर म्हणाले आहेत.
‘काही तरुणांनी त्यांना एफसी रोडवरील एका मुलींच्या कपड्याच्या दुकानातून लव्ह जिहादचे प्रकार सुरू असल्याची माहिती दिली. त्यांनी लोकांचा दावा की लव्ह जिहाद अस्तित्वात नाही, याला विरोध करताना हा मुद्दा गंभीर असल्याचे अधोरेखित केले. या प्रकारांवर तातडीने कारवाईची गरज आहे’, असे गोपीचंद पडळकर म्हणाले आहे.
पडळकर यांनी पोलिसांना या प्रकरणात लक्ष घालण्याची विनंती केली आहे. त्यांनी पालकांना सतर्क राहण्याचे आवाहन केले असून, मुलींवर चांगले संस्कार करणे आणि त्यांच्या सामाजिक संपर्कांवर लक्ष ठेवणे आवश्यक असल्याचे सांगितले. विशेषत: मुली कोणाशी बोलतात, कोणाशी चॅटिंग करतात, आणि त्यांचे सोशल मीडियावरील मित्र कोण आहेत, याकडे पालकांनी बारकाईने लक्ष द्यावे, असे त्यांचे मत आहे. या गोष्टींकडे दुर्लक्ष केल्यास गंभीर परिणाम होऊ शकतात, असा इशारा त्यांनी दिला.
या सर्व मुद्द्यांमुळे पुण्यातील राजकीय आणि सामाजिक वातावरणात तणाव निर्माण झाला आहे. पडळकर यांच्या वक्तव्यानंतर या विषयावरून समाजात आणि राजकीय वर्तुळात चर्चा तीव्र झाली आहे. पोलिस आणि प्रशासन यावर काय कारवाई करतात, याकडे सर्वांचे लक्ष लागले आहे. तसेच, पालक आणि समाजानेही या संवेदनशील मुद्द्यांवर जागरूक राहणे गरजेचे आहे, असे मत अनेकांनी व्यक्त केले आहे.
महत्वाच्या बातम्या
-विठुरायाच्या पंढरीत १०८ रुग्णवाहिकेद्वारे हजारो भाविकांची आरोग्यसेवा
-डीजेमुक्त गणेशोत्सवासाठी पुनीत बालन यांचा पुढाकार; आता डिजे लावणाऱ्या गणेश मंडळांना…
-अघटीत घडलं! पुणे पोलीस दलात धक्कादायक घडलं
-‘महाराष्ट्रात आलात तर चपलेचा प्रसाद नक्की मिळेल’; रुपाली पाटलांचा निशिकांत दुबेंवर निशाणा
