ऐतिहासिक नाट्यगृह वाचवण्यासाठी प्रशांत दामले आक्रमक; थेट दिला कलाकारांना घेऊन रस्त्यावर उतरण्याचा इशारा

Entertainment : मुंबईतील परळ येथे असणारे सोशल सर्व्हिस लीगचे दामोदर नाट्यगृह १ नोव्हेंबर २०२३ पासून पुनर्बांधणीच्या कारणांनी बंद आहे. या ऐतिहासिक नाट्यगृहाच्या जागी खासगी शाळेची वास्तू उभारण्याचा प्रस्ताव आहे. गेल्या १०० वर्षांचा इतिहास असलेल्या या नाटगृहाला वाचवण्यासाठी आता अभिनेते आणि निर्माते आणि अखिल भारतीय नाट्य परिषदेचे अध्यक्ष प्रशांत दामले यांनी कलाकरांसह उपोषणाचा इशारा दिला आहे.

दामोदर नाट्यगृहाच्या पुनर्बांधणीच्या विरोधात नाट्यकर्मींमध्ये नाराजी व्यक्त केली आहे. नाट्यगृह आहे त्याच जागी तब्बल ९०० आसन क्षमतेचे असावे, अशी मागणी कलाकरांकडून करण्यात आली आहे. विधीमंडळाच्या अधिवेशनात या नाट्यगृहाच्या पुर्नबांधणीच्या कामाचे पडसाद उमटले आहेत. अधिवेशनात नाट्यगृहाच्या तोडकामाला स्थगिती देण्याची घोषणा करण्यात आली. मात्र, सोशल सर्व्हिस लीगने मे महिन्यापासून पुन्हा तोडकाम सुरू केले आहे. सोशल सर्व्हिस लीगच्या या निर्णयाचा नाट्य परिषदेने तीव्र निषेध केला आहे.

‘हा विषय सामोपचाराने सुटेल अशी अपेक्षा होती, मात्र तसे न होता स्थगितीला न जुमानता तोडकाम सुरू झाले आहे. याविरोधात सोशल सर्व्हिस लीगला पत्र लिहिले जाणार आहे. जर त्यांनी ऐकले नाही, तर नाट्यगृह बचावासाठी कलाकारांना घेऊन रस्त्यावर उतरणार असल्याचा इशारा अभिनेते-निर्माते प्रशांत दामले यांनी दिला आहे.

महत्वाच्या बातम्या-

-सावधान! पुण्यात डेंग्यूचा धोका वाढतोय; वाचा काय आहेत लक्षणे? कशी काळजी घ्याल?

-घाटकोपर दुर्घटनेच्या पार्श्वभूमीवर पुण्यातील अनधिकृत होर्डिंग्स काढायला सुरवात; पालिका आयुक्तांचे आदेश

-पुणेकरांनो घरातून बाहेर पडण्याआधी वाचा ही बातमी! शहराच्या वाहतुकीत मोठे बदल; कोणता रस्ता सुरु कोणता बंद?

-बळीराजासाठी आनंदाची बातमी! ३१ मे लाच मान्सून केरळमध्ये, महाराष्ट्रात काय असेल परिस्थिती?

-भाजपचे माजी आमदार विश्वास गांगुर्डे यांची प्राणज्योत मालवली