पुणे : उपमुख्यमंत्री अजित पवार यांचे अत्यंत विश्वासू आणि पुणे महापालिकेच्या स्थायी समितीचे माजी अध्यक्ष बाबुराव चांदेरे यांनी एका व्यवसायिकाला रस्त्यावर उचलून आदळत अमानुष मारहाण केली होती. त्यानंतर चांदेरे गुन्हा दाखल करण्यासाठी पहिल्यांदा टाळाटाळ झाली होती. मात्र, अमानुष मरहाण करणाऱ्या चांदेरे यांच्यावर राजकीय वरदहस्त असल्याने त्यांना अटक होत नाही का? असा सवाल विचारला जात आहे. चांदेरे यांचा बांधकाम व्यवसायिकाला मारहाण करतानाचा व्हिडीओ सोशल मीडियावर चांगलाच व्हायरल होत आहे.
बाबुराव चांदेरे यांनी दोन दिवसांपूर्वी एका बांधकाम व्यावसायिकाला मारहाण केली होती. मारहाणीला दोन दिवस होऊनही पुणे पोलिसांनी कारवाई केली नव्हती. त्यानंतर दोन दिवसांनी गुन्हा दाखल करण्यात आला. मात्र, अटकेची कारवाई करण्यात आलेली नाही. ‘कलम ३२४ अंतर्गत दाखल झालेल्या या गुन्ह्यासाठी ७ वर्षांपेक्षा कमी शिक्षेची तरतूद असल्यानं चांडेरेंना अटक करणं आम्हाला बंधनकारक नाही’, अशी भूमिका पुणे पोलिसांनी घेतली आहे. चांदेरेंनी मारहाण केलेला बांधकाम व्यावसायिकावर सध्या रुग्णालयात उपचार सुरु आहेत.
दरम्यान, अजित पवार यांनी या प्रकरणावर प्रतिक्रिया दिली आहे. “हे अतिशय चुकीचं आहे. आमचा पक्ष अशा प्रकारचं कृत्य खपवून घेणार नाही. कोणालाही कायदा हातात घेण्याचा अधिकार नाही. चांदेरे यांच्याशी संपर्क साधण्याचा प्रयत्न केला, परंतु तो होऊ शकला नाही. संपर्क साधला आणि एका नातेवाईकाने सांगितले की ते कुठेतरी दूर गेले आहेत. मला चांदेरेंना बोलवून यासंदर्भात जाब विचारायचा आहे. ज्याला कोणाला लागलं त्यांनी तक्रार केली तर कारवाई ही होणारच”, असे अजित पवार म्हणाले आहेत.
महत्वाच्या बातम्या-
-पुण्यात १ रुपयात ड्रेसची ऑफर महागात; महिलांनी लावली रांगच राग, दुकानदार गायब
-‘गुइलेन बॅरी सिंड्रोम’ आजाराचा खर्च परवडेना! राज्य सरकार आणि महापालिका मदत करणार
-पिंपरीतील गुइलेन बॅरी सिंड्रोमची लागण झालेल्या महिलेचा मृत्यू; रुग्णालयाचा दावा वेगळाच
