पुणे : संपूर्ण राज्याला हादरुन वैष्णवी हगवणे प्रकरणात तिचे वडील अनिल कस्पटे यांनी वैष्णवीला न्याय मिळवण्यासाठी सातत्याने पाठपुरावा केला आहे. या गुन्ह्याची प्रभावी आणि निष्पक्षपणे न्यायालयात मांडणी व्हावी, यासाठी त्यांनी सहायक सरकारी वकील आणि अतिरिक्त सरकारी अभियोक्ता म्हणून आर. आर. कावेडिया यांच्या नियुक्तीची मागणी केली होती. या मागणीला सकारात्मक प्रतिसाद देत, सहायक संचालक आणि सरकारी अभियोक्ता एस. व्ही. मोरे देसाई यांनी २९ मे रोजी अधिकृत आदेश जारी करून कावेडिया यांची या प्रकरणात सरकारी वकील म्हणून नियुक्ती केली आहे.
वैष्णवी हगवणे प्रकरणाने संपूर्ण परिसरात खळबळ उडवली असून, तिच्या मृत्यूमागील कारणे आणि संभाव्य आरोपींची भूमिका उघड व्हावी, यासाठी अनिल कस्पटे यांनी प्रशासनाकडे सतत प्रयत्न केले आहेत. आर. आर. कावेडिया हे अनुभवी आणि निष्णात वकील असून, त्यांनी यापूर्वी अनेक गुन्हेगारी आणि सामाजिक प्रकरणांमध्ये सरकारी बाजू प्रभावीपणे मांडली आहे. त्यांच्या या नियुक्तीमुळे वैष्णवीच्या कुटुंबीयांना न्याय मिळण्याच्या लढ्याला नवे बळ मिळाले आहे.
कावेडिया यांच्या नियुक्तीमुळे या खटल्याच्या न्यायालयीन कार्यवाहीला गती मिळण्याची शक्यता आहे. वैष्णवीच्या नातेवाइकांनी आरोपींविरुद्ध कठोर कारवाईची मागणी केली आहे, आणि कावेडिया यांचा अनुभव लक्षात घेता, हे प्रकरण न्यायालयात प्रभावीपणे मांडले जाईल, अशी आशा आहे. ही नियुक्ती वैष्णवी हगवणे प्रकरणात न्याय मिळवण्याच्या दृष्टीने एक महत्त्वपूर्ण पाऊल मानली जात आहे.
महत्वाच्या बातम्या
-वैष्णवी हगवणे: गृहविभागाकडून मोठी कारवाई; थेट ‘त्या’ IPS अधिकाऱ्याचा पदभारच घेतला काढून
-वैष्णवी हगवणे प्रकरण: “हॅलो, निलेशला पकडलंय गाडीच्या डिक्कीत डांबलाय..” नेमकं प्रकरण काय?
-वैष्णवीचे चारित्र्यहनन करणाऱ्या वकिलाचे जुने कांड उघड; “3 वर्षापूर्वीच एका वकिलाला…”
-आता भाजप आमदारही नाहीत सुरळीत? शिवीगाळ केली अन् घरात घुसण्याचा प्रयत्न, एकाला अटक
