JCB : आजपर्यंत तुम्ही फक्त पिवळ्या रंगाचेच जेसीबी पाहिले असणार. जेसीबीचा रंग पिवळाच का असतो यामागचं मुख्य कारण तुम्हाला माहिती आहे का? आज आपण जेबीसीचा रंग पिवळाच का असतो? हे जाणून घेणार आहोत. जेसीबीचा रंग पिवळा असण्यामागे काही व्यावहारिक आणि ब्रँडिंगशी संबंधित अशी दोन मुख्य कारणे आहेत. मात्र, जेसीबीचा रंग पिवळा असण्याचं आणखी एक महत्वाचं कारण म्हणजे जेसीबी मशिनचा पिवळा रंग असल्याने रात्रीच्या वेळीही ही मशिन स्पष्ट दिसते.
जेसीबी हे खरे तर मशिनचे नाव नसून, ते मशिन बनवणाऱ्या कंपनीचे नाव आहे. या कंपनीचे पूर्ण नाव ‘जोसेफ सिरिल बामफोर्ड एक्सावेटर्स’ असे आहे. जोसेफ सिरिल बामफोर्ड यांनी १९४५ मध्ये या कंपनीची स्थापना केली होती. कंपनीच्या नावाने या मशिनला आता ओळख मिळाली असून, जेसीबी ही जगभरात बांधकाम क्षेत्रातील मशिन्ससाठी प्रसिद्ध आहे.
पिवळ्या रंगाची वैशिष्ट्ये
सुरक्षितता : पिवळा रंग हा अत्यंत दृश्यमान आहे. विशेषत: बांधकाम स्थळांवर जिथे धूळ, माती आणि मशिनरी असते. हा रंग मशीनला लांबून ओळखण्यास मदत करतो, ज्यामुळे अपघातांचा धोका कमी होतो.
ब्रँड ओळख : जेसीबी (J.C. Bamford Excavators Limited) ही कंपनी 1945 पासून पिवळ्या रंगाचा वापर करते. हा रंग त्यांच्या ब्रँडशी जोडला गेला आहे, ज्यामुळे त्यांची मशिन्स बाजारात सहज ओळखली जातात.
परंपरा : बांधकाम क्षेत्रात पिवळा रंग हा जवळपास मानक (standard) बनला आहे. कॅटरपिलर, कोमात्सु यांसारख्या इतर कंपन्याही पिवळ्या रंगाचा वापर करतात, कारण हा रंग मशिन्सना वेगळे दाखवतो.
प्रकाश परावर्तन : पिवळा रंग प्रकाश चांगला परावर्तित करतो, ज्यामुळे कमी प्रकाशात किंवा रात्रीच्या वेळी मशिन्स दिसण्यास मदत होते. थोडक्यात, पिवळा रंग सुरक्षितता, ब्रँड ओळख आणि व्यावहारिक कारणांमुळे जेसीबीसाठी निवडला गेला आहे.
जेसीबीने १९४५ साली पहिले बॅकोहो लोडर तयार केले होते. पण त्याआधी त्याचे एक मॉडेल तयार करण्यात आले. या पहिल्या मॉडेलचा रंग निळा आणि लाल होता. त्यानंतर त्याचा रंग बदलून लाल आणि पांढरा केला गेला. कालांतराने सुरक्षेच्या दृष्टीकोनातून विचार केला गेला आणि या मशिनला पिवळा रंग देण्यात आला. हा पिवळा रंग मशिलना साजेसा आणि अपघातांचा धोका कमी करताना दिसून आले.
जेसीबी मशिनचा हा रंगाचा प्रवास बांधकाम क्षेत्रातील सुरक्षेच्या दृष्टिकोनातून महत्त्वाचा ठरला आहे. सुरुवातीला डिझाइन आणि आकर्षकतेसाठी निवडलेले रंग कालांतराने सुरक्षेच्या गरजेनुसार बदलले गेले. आज पिवळ्या रंगामुळे जेसीबी मशिन्स सहज ओळखली जातात आणि रात्रीच्या अंधारातही सहज दिसून येते.
महत्वाच्या बातम्या
-मंत्रिपद मिळालं, नाराजी दूर; भुजबळांच्या मंत्रिमंडळात येण्यानं राजकीय गणिताला मिळणार बळ
-शिंदे गटाच्या पदाधिकाऱ्यावर हल्ल्याचा प्रयत्न, युवासेना जिल्हाप्रमुख कार्यलयात असतानाच गोळीबार
-प्रसिद्ध खगोलशास्त्रज्ञ जयंत नारळीकर यांचे निधन; ८६ व्या वर्षी घेतला अखेरचा श्वास
-अजितदादांचा पदाधिकारी, पोलीस मागावर अन् चित्रा वाघ म्हणाल्या ‘देवाभाऊंच्या राज्यात…’
-नाव ‘निद्रा बॉडी स्पा’ पण आत भलताच धंदा; पोलिसांनी छापा टाकताच…
