पुणेकरांनो, बकरी ईद निमित्त शहरातील हे रस्ते असणार बंद; पहा कोणते पर्यायी मार्ग

पुणे : बकरी ईदनिमित्त पुण्यातील प्रमुख रस्त्यांवर वाहतुकीत बदल करण्यात येणार आहेत. ईदच्या दिवशी मुस्लिम बांधव मोठ्या संख्येने ईदगाह मैदानावर एकत्र येऊन नमाज पठण करतात. या काळात वाहतूक सुरळीत ठेवण्यासाठी आणि कोणताही अडथळा निर्माण होऊ नये यासाठी विशेष व्यवस्था करण्यात आली आहे. यामुळे नागरिकांना प्रवास करताना योग्य नियोजन करावे लागेल.

७ जून रोजी सकाळी ६ वाजल्यापासून नमाज पठण पूर्ण होईपर्यंत मम्मादेवी चौक ते गोळीबार मैदान, सेवन लव्ह चौक ते सीडीओ चौक आणि पुन्हा गोळीबार मैदानापर्यंत वाहतूक मार्गात बदल करण्यात येणार आहेत. या बदलांमुळे वाहनचालकांना पर्यायी मार्गांचा वापर करावा लागेल, जेणेकरून ईदगाह मैदान परिसरात गर्दी आणि वाहतूक कोंडी टाळता येईल.

कुठल्या रस्त्यांवर बदल करण्यात आले आहे?

मार्ग बंद: भैरोंबाला ते गोळीबार मैदानाकडे जाणारी वाहतूक सकाळी ६ वाजेपासून वळवण्यात येणार असल्याने पर्यायी मार्ग म्हणून स्वारगेटकडे जाण्यासाठी – प्रिंस ऑफ व्हेल्स रोड – लुल्लानगर चौक मार्गे.
पुणे रेल्वे स्टेशन कडे जाण्यासाठी – इम्प्रेस गार्डन रोडने इच्छित स्थळी.

बंद मार्ग: मम्मादेवी चौकातून गोळीबार मैदानाकडे जाणारा मार्ग बंद असल्याने पर्यायी मार्ग म्हणून मम्मादेवी चौक-बिशप स्कूल किंवा कमांड हॉस्पिटल पासून इच्छित स्थळी जाता येणार आहे.

बंद मार्ग: सीडीओ चौकातून गोळीबार मैदानाकडे येणारी वाहतूक नमाज पठण दरम्यान पूर्ण वेळ बंद असल्याने पर्यायी मार्ग म्हणून लुल्लानगरकडून येणारी वाहतूक सीडीओ चौकातून डावीकडे वळून इच्छित स्थळी किंवा खटाव बंगला चौकापासून उजवीकडे वळून इच्छित स्थळी जाता येणार आहे.

बंद मार्ग: सेवेन लव चौक ते गोळीबार मैदान हे मार्ग बंद असल्याने  सॅलिसबरी पार्क – सीडीओ चौक – भैरोबाला हे पर्यायी मार्ग वापरुन इच्छित स्थळी जाता येणार आहे.

बंद मार्ग: जुनी सोलापूर रस्ता चौकी चौक ते गोळीबार मैदान बंद असल्याने खाणे मारुती चौक पासून येणारी वाहतूक – पूलगेट डेपो – सोलापूर बाजार चौक – खटाव बंगला हे पर्यायी मार्ग वापरुन इच्छित स्थळी जाता येणार आहे.

बंद मार्ग: लुल्लानगर चौकातून गोळीबार मैदानाकडे जाणाऱ्या सगळ्या जड वाहनास, माल वाहतूक गाड्या, पीएमपीएमएल बस आणि इतर वाहनांना पूर्णपणे बंदी असणार आहेत. त्यामुळे लुल्लानगर चौकातून – भैरोबाला चौक किंवा गंगाधाम चौक या पर्यायी मार्गाने इच्छित स्थळी जाता येणार आहे.

महत्वाच्या बातम्या

-दादांच्या कार्यकर्त्यांना हवाय साहेबांचा आशिर्वाद; पुण्यात झळकले बॅनर्स

-निलेश चव्हाणचा शस्त्र परवान्याचा पुणे पोलिसांनी फेटाळला, थेट मंत्रालयातून सूत्रं हलवली; ‘या’ बड्या नेत्याचंही नाव आलं समोर

-विवाहितेला गाडीत बसवून लॉजवर नेलं, जबरदस्ती केली, फोटो, व्हिडीओ काढले अन्…; पुण्यात नेमकं चाललंय काय?

-शरद पवारांच्या राष्ट्रवादीची महत्वाची बैठक; पदाधिकाऱ्यांना दिल्या ‘या’ महत्वाच्या सूचना

-‘सिंहगडा’वर मोठी कारवाई; आजपर्यंतच्या इतिहासात कधीच घडलं नाही असं ५ दिवसांत घडलं