पुणे : पुणे शहरात सातत्याने गुन्हेगारीच्या घटना घडत असताना, पिंपरी-चिंचवडमधील चिंचवड गावात एक धक्कादायक प्रकार समोर आला आहे. शांतीवन सोसायटीमध्ये सुरक्षारक्षकावर चाकूने हल्ला झाला असून, राम लोंढे असे हल्लेखोर आरोपीचे नाव आहे. चिंचवडमधील शांतीवन सोसायटीच्या गेटवर सुदाम कामिठे हे सुरक्षारक्षक म्हणून कार्यरत होते.
आरोपी राम लोंढे याने सोसायटीत प्रवेश करण्याचा प्रयत्न केला, तेव्हा कामिठे यांनी त्याला थांबवून विचारणा केली. यावरून दोघांमध्ये काही वेळ शाब्दिक वाद झाला. अचानक राम लोंढे याने चाकू काढून सुरक्षारक्षकावर हल्ला चढवला. स्वतःचा बचाव करण्यासाठी कामिठे यांनी जवळच्या टेबलावरील वीट उचलली. परंतु आरोपीने ती वीट हिसकावून घेतली आणि त्याच विटेने कामिठे यांच्या डोक्यावर जीवघेणा प्रहार केला. ही संपूर्ण घटना सोसायटीच्या सीसीटीव्ही कॅमेऱ्यात कैद झाली आहे.
पोलिसांनी दिलेल्या माहितीनुसार, राम लोंढे हा पूर्वी शांतीवन सोसायटीमध्ये हाउसकीपिंगचे काम करत होता. मात्र, व्यसनाधीनतेमुळे त्याला कामावरून काढून टाकण्यात आले होते. याच रागातून त्याने हा हल्ला केल्याचा प्राथमिक अंदाज पोलिसांनी व्यक्त केला आहे. घटनेची माहिती मिळताच पोलिसांनी तात्काळ कारवाई करत आरोपी राम लोंढे याला अटक केली आहे. सध्या पोलिस या प्रकरणाचा सखोल तपास करत आहेत.
महत्वाच्या बातम्या
-आळंदीत कत्तलखाना; मुख्यमंत्री देवेंद्र फडणवीसांनी स्पष्टच सांगितलं काय होणार
-‘मनसेसोबत युती केल्यास थोड्या तरी जागा येतील…’; चंद्रकांत पाटलांचा ठाकरेंना टोला
-ज्ञानोबा, तुकोबांच्या पालख्या आज पुण्यात, पालिकेकडून स्वागताची तयारी
-‘तुमचा वस्ताद अजितदादा अन् त्यांनीचं तुम्हाला लंगोट…’, महेश लांडगेंना राष्ट्रवादीचं सडेतोड उत्तर
-भाजप शहराध्यक्ष धीरज घाटेंवर वीज चोरीचा आरोप; नेमकं काय प्रकरण?
