पुणे : वैष्णवी हगवणे प्रकरणी आज न्यायालयात सुनावणी होती. या प्रकरणी आरोपी सासरे राजेंद्र हगवणे आणि दीर सुशील हगवणे यांना न्यायालयाने १४ दिवसांची न्यायालयीन कोठडी सुनावली आहे, तर सहआरोपी निलेश चव्हाण याला ७ जून २०२५ पर्यंत पोलीस कोठडीत ठेवण्याचे आदेश न्यायालयाने दिले आहेत. आज बावधन पोलिसांनी या तिन्ही आरोपींना पिंपरी-चिंचवड न्यायालयात हजर केले होते, जिथे त्यांच्या पोलीस कोठडीच्या मुदतीनंतर सुनावणी झाली.
पिंपरी-चिंचवड पोलिसांनी तिन्ही आरोपींची एकत्रित चौकशी करण्यासाठी पोलीस कोठडी वाढवण्याची मागणी न्यायालयात केली होती. यावर सुनावणीअंती राजेंद्र हगवणे आणि सुशील हगवणे यांना १४ दिवसांची न्यायालयीन कोठडी, तर निलेश चव्हाण याला ७ जूनपर्यंत पोलीस कोठडी सुनावण्यात आली.
सरकारी वकिल-
निलेश चव्हाणकडून मोबाईल जप्त करण्यात आले आहेत. हगवणे कुटुंबीयांचे २ मोबाईल निलेशकडे आहे. निलेश आणि हगवणे कुटुंबातील सदस्यामध्ये चॅटिंग झालेलं आहे. निलेश आणि हगवणे यांच्यात आर्थिक व्यवहार झाले आहेत. पाच दिवसांची कोठडी निलेश याला देण्यात यावी, अशी मागणी सरकारी वकिलांनी केली आहे. वैष्णवीचे बाळसुद्धा निलेशकडे होते, त्याने त्या बाळाची हेळसांड केली का? याचा तपास करायचा आहे, असे मुद्दे सरकारी वकिलांनी उपस्थित केले आहेत.
निलेश चव्हाणचे वकील-
निलेशची सगळी चौकशी पूर्ण झाली आहे. एक ही मुद्दा शिल्लक राहिलेला नाही. यामुळे निलेशला न्यायालयीन कोठडी झाली पाहिजे.
दरम्यान, वैष्णवीच्या मृत्यूबाबत अनेक संशय व्यक्त केला जात आहे. वैष्णवीचे वजन ७१ किलो असल्याचे पंचनाम्यात नोंदवले गेले आहे. त्यामुळे हा पंखा इतके वजन सहन करू शकतो का? हे तपासण्यासाठी आता वैष्णवीने गळफास घेतलेला पंखा आणि साडी या वस्तू फॉरेनेन्सिक डिपार्टमेंटला पाठवण्यात आल्या आहेत. या अहवालातून महत्वाची माहिती हाती लागण्याची शक्यता आहे.
महत्वाच्या बातम्या
-वैष्णवीसोबत नेमकं काय झालं? ‘त्या’ महत्वाच्या वस्तू फॉरेन्सिक लॅबमध्ये पाठवणार
-नीलम गोऱ्हेंनी बोललवी महत्वाची बैठक; महिला आयोगाच्या कारभाराची घेणार झाडाझडती
-बाप तालुक्याचा उपाध्यक्ष, बायको सरपंच, राष्ट्रवादीचा पदाधिकारीच निघाला अट्टल सायबर चोर
-वैष्णवीच्या वडिलांना २ कोटी मागायला लावणारा ‘तो’ बांधकाम व्यावसायिक कोण?
