पुणे : पोलिस हे जनतेच्या सेवेसाठी नेमले जातात. मात्र, आता बारामतीमध्ये घडलेल्या एका घटनेमुळे पोलिसांच्या कर्तव्यावर प्रश्नचिन्ह उपस्थित होत आहे. बारामतीमधील एका विद्यार्थ्यांचे दप्तर आणि मोबाईल चोरल्याची घटना उघडकीस आली आहे. हे दप्तर कोण्या सामान्य व्यक्तीने नाही तर एका महिला पोलीस कर्मचाऱ्याने चोरल्याचे धक्कादायक वास्तव समोर आले आहे. या घटनेमुळे आता परिसरामध्ये चांगलीच खळबळ उडाली आहे. या प्रकरणी संबंधित महिला पोलिसाविरोधात बारामती शहर पोलीस ठाण्यात गुन्हा दाखल करण्यात आला आहे.
विशेष म्हणजे, ही संपूर्ण घटना सीसीटीव्ही कॅमेऱ्यात कैद झाली आहे. आकांक्षा विजय गाढवे (रा. बारामती) विद्यार्थ्याचे दप्तर आणि मोबाईल चोरणाऱ्या महिला पोलीस कर्मचाऱ्याचे नाव आहे. स्थानिक महाविद्यालयात शिक्षण घेत असलेल्या राजेंद्र जगन्नाथ हगवणे (रा. माळेगाव, ता. बारामती) या विद्यार्थ्याने या प्रकरणी फिर्याद दिली आहे.
विद्यार्थ्याच्या तक्रारीनुसार, २९ मे रोजी तो आणि त्याचा मित्र मयूर बाळासाहेब वायकर हे दोघे परीक्षा देण्यासाठी जात असताना मोबाईल दप्तरामध्ये ठेवला आणि परिक्षा देण्याासठी वर्गात गेले. परीक्षा संपल्यानंतर परत येताच, त्यांना त्यांचे दप्तर दिसले नाही. या प्रकरणी त्यांनी तात्काळ महाविद्यालयाच्या प्राचार्यांना माहिती दिली. प्रशासनाने तातडीने महाविद्यालयातील सीसीटीव्ही फुटेज तपासले असता, एक धक्कादायक बाब समोर आली. फुटेजमध्ये पोलीस महिला दप्तर नेल्याचे स्पष्टपणे दिसून आले.
राजेंद्रने आकांक्षा गाढवे यांच्याशी संपर्क साधून मोबाईल आणि दप्तराची मागणी केली. मात्र, आकांक्षा गाढवेने काही केले नसल्याचे सांगितले, असे फिर्यादीत नमूद करण्यात आले आहे. त्यानंतर हगवणे यांनी बारामती शहर पोलीस ठाण्यात फिर्याद दाखल केली. पोलिसांनी या प्रकरणी गुन्हा दाखल केला असून पुढील तपास सुरू आहे.
महत्वाच्या बातम्या
-पुण्यात पुन्हा ‘मुळशी पॅटर्न’चा थरार; वादातील जमिन पाहण्यासाठी गेले अन्…
-राजगडच्या बालेकिल्ल्यावर फोटो काढताना पाय घसरला अन् थेट ४०० फूट दरीत कोसळली, विवाहितेचा मृत्यू
-PMC: महिला अधिकाऱ्याला त्रास देणारा भाजप पदाधिकारी कोण? बड्या नेत्यासोबत उठबस, कारवाई होणार का?
