पुणे : पुणे शहर आणि संपूर्ण जिल्ह्यामध्ये गेल्या २४ तासांत अनेक भागांत मध्यम ते जोरदार पावसाने हजेरी लावली आहे. २१ जुलै सकाळी ८.३० ते २२ जुलै सकाळी ८.३० वाजेपर्यंत नोंदवलेल्या आकडेवारीनुसार, पुणे जिल्ह्यातील कुरवंडे येथे सर्वाधिक ९६.५ मिमी इतक्या मुसळधार पावसाची नोंद झाली आहे. त्यापाठोपाठ गिरीवन येथे ६७.० मिमी आणि भोर परिसरात ५३.५ मिमी पाऊस झाला आहे. घाटमाथा आणि धरण क्षेत्रात पावसाचा जोर वाढल्याने प्रशासनाकडून परिस्थितीवर लक्ष ठेवले जात आहे.
पुणे शहरातील महत्त्वाच्या भागांमध्येही चांगला पाऊस झाला आहे. पाषाण येथे ४९.८ मिमी, एनडीए परिसरात ४९.० मिमी, चिंचवडमध्ये ४८.५ मिमी, खडकवासला क्षेत्रात ४७.८ मिमी आणि शिवाजीनगर येथे ३७.५ मिमी पाऊस नोंदवला गेला. याशिवाय दापोडी (३६.० मिमी), वारजे (३५.२ मिमी), आंबेगाव-कात्रज (२९.४ मिमी), गरवारे प्रशाला डेक्कन (२९.२ मिमी), तळेगाव (२८.० मिमी) आणि कोरेगाव पार्क (२५.५ मिमी) या भागांतही पावसाची संततधार पाहायला मिळाली.
सतत सुरू असलेल्या या पावसामुळे शहरातील काही सखल भागांमध्ये सखल रस्ते आणि सखल भागांत पाणी साचल्याचे चित्र दिसून आले. जिल्ह्यातील माळशिरस, निमगिरी, राजगुरुनगर, दौंड आणि बारामती परिसरातही हलक्या ते मध्यम स्वरूपाच्या सरी कोसळल्या. धरण साठ्यात वाढ होत असून घाटमाथ्यावर पावसाची तीव्रता कायम असल्याने नदीकाठच्या रहिवाशांना, तसेच प्रवास करणाऱ्या नागरिकांना आवश्यक ती खबरदारी आणि सतर्कता बाळगण्याचे आवाहन जिल्हा प्रशासनाकडून करण्यात आले आहे.
ठिकाण पाऊस (मिमी)
पाषाण – 49.8
NDA – 49.0
चिंचवड – 48.5
खडकवासला – 47.8
मालिन – 41.0
शिवाजीनगर – 37.5
दापोडी – 36.0
वारजे – 35.2
आंबेगाव-कात्रज – 29.4
गरवारे प्रशाला (डेक्कन) – 29.2
तळेगाव – 28.0
कोरेगाव पार्क – 25.5
