पुणे : देशात लोकसभा निवडणुकीची रणधुमाळी सुरु आहे. राज्यातील महत्वाच्या मतदारसंघापैकी पुणे लोकसभा मतदारसंघात आता पुण्यातील ब्राह्मण समाजाने भाजपला पाठिंबा दिला आहे. पुण्यातील ब्रह्मण समाजाच्या संस्थेसोबत भाजपचे नेते आणि राज्याचे उच्चतंत्र आणि शिक्षणमंत्री चंद्रकांत पाटील यांनी संवाद साधला. यावेळी राज्यसभेच्या खासदार मेधा कुलकर्णी, भाजपचे प्रदेश उपाध्यक्ष माधव भंडारी, राष्ट्रवादी काँग्रेसचे शहराध्यक्ष दीपक मानकर, पुणे लोकसभेचे उमेदवार मुरलीधर मोहोळ, भाजपचे प्रवक्ते, व महायुती समन्वयक संदीप खर्डेकर, भाजप उद्योग आघाडीचे प्रदेश उपाध्यक्ष विश्वजीत देशपांडे, व्यावसायिक किशोर सरपोतदार आदी मान्यवर उपस्थित होते.
पुणे शहरात ब्राह्मण समाज हा नेहमीच भाजपसोबत राहिलेला आहे या निवडणुकीत देखील देशाचे पंतप्रधान नरेंद्र मोदी यांना तिसऱ्यांदा पंतप्रधानपदी बसवण्यासाठी ब्राह्मण समाजातील सर्व संस्थांनी एकमुखाने महायुतीला आपला पाठिंबा जाहीर केला आहे.
“ब्राह्मण समाज हा नेहमीच देशाच्या प्रगतीत वाटा उचलणारा समाज आहे, ब्राह्मण समाजाच्या अडचणी सोडवण्यासाठी शासनाने अमृत नावाची संस्था देखील सुरू केली आहे व वेळोवेळी ब्राह्मण समाजाला येणाऱ्या अडचणी सोडवण्यासाठी सरकार व स्वतः वैयक्तिक पातळीवर देखील आपण प्रयत्न करतच असतो या सर्व संस्था अतिशय उत्तम काम करीत आहेत व त्यांच्या पाठीशी आम्ही सदैव उभे राहू”, असं चंद्रकांत पाटील म्हणाले आहेत.
“गेली 25 वर्ष ज्या भागातून मी राजकारण करत आहे तो संपूर्ण भाग ब्राह्मण बहुल असून ब्राह्मण समाजाने नेहमीच मला पुत्रवत प्रेम दिले आहे माझ्यासाठी नेहमीच खंबीरपणे माझ्या पाठीशी उभ्या राहणाऱ्या या समाजाला मी देखील कोणतीही तक्रारीची संधी देणार नाही देशाची यशस्वी पंतप्रधान नरेंद्रजी मोदी यांच्या स्वप्नातला भारत घडवण्यासाठी आपण सर्वांनी एकत्र येऊन पंतप्रधान मोदींचे हात बळकट केले पाहिजे”, असं मुरलीधर मोहोळ म्हणाले आहेत.
महत्वाच्या बातम्या-
-‘तुमच्या धमक्यांना भीक न घालणारी आवलाद…’; अजित पवार शरद पवारांच्या निशाण्यावर
-Shirur Lok Sabha | “त्यांच्यासाठी जीवाच रान केलं, पण…” दिलीप मोहितेंचा अमोल कोल्हेंवर प्रहार
-“मोदी म्हणाले, मी तुमचं बोट धरुन राजकारणात आलो, मला बोटाची काळजी..”; शरद पवारांचा खोचक टोला
-“अख्खा महाराष्ट्र जाणतो मी असलं काही करत नाही”; अजित पवारांनी संजोग वाघेरेंना धरलं धारेवर
-Lok Sabha Election | ‘बारणेंचा प्रचार करणार नाही’; मावळात महायुतीच्या बैठकीत नाराजीचा सूर!
