मुलाचा पदवीदान सोहळा आणि लेकीला सरप्राईज द्यायला निघाले होते, पण देवाच्या मनात काही वेगळंच होतं

पुणे | अहमदाबाद : गुजरातमधील अहमदाबाद येथे घडलेल्या विमान दुर्घटनेनंतर अनेक हृदयद्रावक घटना समोर येत आहेत. या अपघातात 250 हून अधिक लोकांचा मृत्यू झाला असून, विमानातील 242 पैकी 241 प्रवाशांचा मृत्यू झाला आहे. यामध्ये अहमदाबाद येथील पंड्या दांपत्याचा देखील समावेश आहे. आपल्या मुलाच्या पदवीदान समारंभासाठी लंडनला निघालेले पंड्या दांपत्य या दुर्घटनेत मृत्युमुखी पडले. मुलीला सरप्राइज देण्यासाठी त्यांनी तिला न सांगता लंडनला जाण्याचा निर्णय घेतला होता. मात्र, गुरुवारी लंडनला जाणाऱ्या विमानाचे टेकऑफ झाल्यानंतर काही मिनिटांतच ते कोसळले, आणि या दांपत्याचा करुण अंत झाला.

पंड्या दांपत्याची मुलगी आणि मुलगा दोघेही लंडनमध्ये शिक्षणासाठी आणि नोकरीसाठी गेले होते. मुलीला आश्चर्याचा धक्का देण्यासाठी दांपत्याने तिला काहीही न सांगता लंडनला जाण्याचे ठरवले. मात्र, विमान अपघाताने त्यांचे स्वप्न अधुरे राहिले. आता या दांपत्याच्या मृतदेहांची ओळख पटवण्यासाठी त्यांचे भाऊ-बहीण अहमदाबाद येथील रुग्णालयात डीएनए चाचणीसाठी पोहोचले आहेत. या अपघाताने पंड्या कुटुंबावर शोककळा पसरली आहे. ज्या मुलांना भेटण्यासाठी हे दांपत्य लंडनला निघाले होते, तीच मुले आता आपल्या आई-वडिलांच्या अंत्यसंस्कारासाठी मायदेशी परतत आहेत.

पंड्या दांपत्य पहिल्यांदाच लंडनला प्रवास करत होते. त्यांचा मुलगा लंडनमध्ये शिक्षण घेत होता, तर मुलगी तिथे नोकरी करत होती. मुलाने नुकताच चांगल्या गुणांसह परीक्षा उत्तीर्ण केली होती, आणि त्याच्या पदवीदान समारंभासाठी हे दांपत्य लंडनला निघाले होते. मुलाला आपले आई-वडील येणार असल्याची माहिती होती, पण मुलीला याची काहीच कल्पना नव्हती. अपघातानंतर मुलानेच आपल्या मामांना फोनद्वारे ही दु:खद बातमी कळवली. या घटनेने संपूर्ण कुटुंबावर दुखाचा डोंगर कोसळला आहे.

अपघाताची माहिती मिळताच पंड्या दांपत्याचे नातेवाईक तातडीने अहमदाबाद येथील दुर्घटनास्थळी पोहोचले. मृतदेहांची ओळख पटवण्यासाठी डीएनए चाचणीची प्रक्रिया सुरू आहे. या दुर्घटनेमुळे पंड्या कुटुंबीयांसह अनेकांचे आयुष्य उद्ध्वस्त झाले आहे. ज्या आनंदाच्या क्षणासाठी हे दांपत्य लंडनला निघाले होते, तो क्षण आता शोकांतिकेत बदलला आहे. सध्या रुग्णालयात नातेवाईक जमले असून, ते या दुखद घटनेचा सामना करत आहेत.

महत्वाच्या बातम्या

-अहमदाबाद विमान दुर्घटना: केबिन क्रू मेंबरपैकी पिंपरीच्या २२ वर्षीय इरफानचा मृत्यू

-7 दिवसांपूर्वी लंडनमध्ये पत्नीचे निधन, शेवटची इच्छा पूर्ण करायला तो भारतात आला पण… विमान अपघातातील तरुणाची करून कहाणी

-अरविंद केजरीवाल पुणे पालिका निवडणुकीच्या मैदानात; कार्यकर्त्यांच्या घेणार बैठका

-अहमदाबादमध्ये प्रवासी विमान नागरी वस्तीत कोसळलं, २४२ प्रवाशांना घेऊन टेकऑफ केलं अन्…

-विवाहसंस्थेच्या नावाखाली उच्चशिक्षित तरुणीसोबत प्रेमाचं नाटक केलं अन् तिघांनी मिळून… पुढे काय झालं?