पुणे : पुण्यात न्यायालयामध्ये एकाच दिवसात घटस्फोटाचा दावा मंजूर करण्यात आला आहे. कौटुंबिक न्यायालयाने एका दाम्पत्याच्या घटस्फोटाच्या दाव्याचा निकाल अवघ्या एका दिवसात दिला. न्यायाधीश एम. व्ही. भाटिया यांच्या अध्यक्षतेखालील न्यायालयाने हा निर्णय दिला. या प्रकरणात वीस वर्षांपूर्वी विवाहबद्ध झालेल्या पती-पत्नीला चार मुले असून, काही वर्षे त्यांचा संसार सुरळीत सुरू होता. मात्र, वैचारिक मतभेद आणि घरातील कुरबुरी यामुळे त्यांच्या नात्यात तणाव वाढत गेला.
नातेवाईकांनी अनेक वेळा समुपदेशन करण्याचा प्रयत्न केला, पण मतभेद मिटू शकले नाहीत. अखेर पत्नी माहेरी परत गेली, तर पती व्यवसायात व्यस्त राहिला. त्यानंतर आता पतीने चार मुलांची जबाबदारी स्वीकारली. यानंतर दोघांनीही परस्पर संमतीने घटस्फोटासाठी अर्ज दाखल केला. सहा महिन्यांच्या सक्तीच्या प्रतीक्षा कालावधीस न्यायालयाने सूट दिली. घटस्फोट अर्जावर समुपदेशन, कागदपत्रांची पडताळणी आणि न्यायालयीन प्रक्रिया पूर्ण करून एका दिवसात न्यायालयाने घटस्फोट मंजूर केला.
घटस्फोटानंतर चार मुलांचा ताबा वडिलांकडे देण्यात आला असून, पत्नीने पोटगी घेण्याचा अधिकार स्वेच्छेने नाकारला आहे. या प्रकरणात ॲड. जान्हवी भोसले, ॲड. भालचंद्र धापटे आणि ॲड. राहुल पोल यांनी न्यायालयीन प्रक्रिया जलद पार पाडण्यासाठी विशेष प्रयत्न केले. दोन्ही पक्षांची सहमती आणि अचूक न्यायालयीन प्रक्रिया यामुळे हा निकाल एका दिवसात दिला जाऊ शकला. अशा प्रकरणांमुळे न्यायालयाचा वेळ वाचून दाव्यांचा निपटारा लवकर होण्यास मदत होईल, असे मत वकिलांनी व्यक्त केले.
महत्वाच्या बातम्या
-ऐकावं ते नवलंच! लग्नाच्या रात्री पत्नीसाठी पान आणायला गेला अन् आल्यावर पाहिलं तर पत्नी…
-‘सासूनं केली काळी जादू, नवऱ्यानं दाखवले अश्लील व्हिडीओ’; फरार हगवणेंना मदत करणारे ‘ते’ दोघे कोण?
-महिला आयोगाचे दोन्ही नंबर ‘नॉट एक्झिस्ट’?, मनसेचं थेट मुख्यमंत्र्यांना पत्र, पत्रातून ‘ही’ मागणी
