पुणे : संपूर्ण राज्याला हादरुन सोडणाऱ्या वैष्णवी हगवणे मृत्यू प्रकरणी दररोज नवनवीन खुलासे होत आहेत. अशातच या प्रकरणी आता आणखी एक धक्कादायक माहिती समोर आली आहे. वैष्णवी हगवणे प्रकरणी एक बडा बांधकाम व्यावसायिक संशयाच्या भोवऱ्यात अडकल्याचे दिसून येत आहे. या बांधकाम व्यावसायिकाने राजेंद्र हगवणेला वैष्णवीच्या वडिलांकडे पैसे मागण्यासाठी प्रवृत्त केल्याचे समोर येत आहे. वैष्णवीच्या मृत्यूनंतर हा बांधकाम व्यावसायिक देखील फरार झाल्याची माहिती समोर आली आहे.
वैष्णवीचा पती शशांक आणि सासरे राजेंद्र यांच्या प्लॉटिंग व्यावसायामध्ये हा बांधकाम व्यावसायिक भागिदार आहे. वैष्णवीच्या बँक खात्यावरुन या बांधकाम व्यावसायिकाला लाखो रुपयांची रक्कम पाठवले असल्याचे उघड झाले आहे. या बांधकाम व्यावसायिकाला पोलिसांकडून पाठिशी घालण्याचे प्रयत्न सुरु असल्याची देखील माहिती मिळत आहे.
हा बांधकाम व्यावसायिक सध्या फरार असून त्याला ताब्यात घेऊन त्याची सखोल चौकशी केल्यानंतर आणखी धक्कादायक माहिती समोर येण्याची शक्यता आहे. त्यामुळे त्याला आता तात्काळ पोलिसांनी ताब्यात घेणं गरजेचं आहे. हगवणे प्रकरणात बांधकाम व्यावसायिक संशयित असल्याने आता प्रकरणाला वेगळं वळण लागण्याची शक्यता आहे.
महत्वाच्या बातम्या
-हगवणेंचा आणखी एक धक्कादायक प्रताप उघड: ‘त्या’ प्रकरणी पोलिसांना फसवलं, नेमका काय प्रकार?
