पुणे : पुण्यातील वैष्णवी हगवणे प्रकरण उघडकीस आल्यानंतर महिला आयोगाच्या अध्यक्ष रुपाली चाकणकर यांच्या राजीनाम्याची मागणी सर्व स्तरातून होत आहे. सर्व स्तरातून टीका होत असताना, चाकणकर यांनी नाशिक येथे ‘महिला आयोग आपल्या दारी’ या उपक्रमांतर्गत महिलांच्या तक्रारी जाणून घेण्यासाठी हजेरी लावली. या उपक्रमाच्या माध्यमातून महिलांना त्यांच्या समस्या थेट आयोगासमोर मांडण्याची संधी उपलब्ध झाली.
नाशिक जिल्हाधिकारी कार्यालयातील नियोजन सभागृहात या उपक्रमांतर्गत जनसुनावणी घेण्यात आली. यावेळी पीडित महिलांना स्थानिक पातळीवर तात्काळ मदत मिळावी यासाठी प्रयत्न करण्यात आले. कोणतीही पूर्वसूचना न देता तक्रारदार महिलांना जनसुनावणीत सहभागी होऊन आपली समस्या लेखी स्वरूपात आयोगापुढे मांडता आली.
जनसुनावणीत अनेक तक्रारी
महिलांच्या बाजूने कायदा आहे. कडक कायदा आहे. मात्र, त्यातून पळवाट काढली जाते. ग्रामीण भागात आजही जन्म दाखल्यात बदल करून बालविवाह केला जातो. आजही आई-वडील यात बदल करून घेतात. जन्म दाखल्यात बदल करून बालविवाह केले जातात. हुंडा बळीच्या विरोधात कायदा आहे. पण हा कायदा देखील तोडला जातो. कायदे अस्तित्वात आहे, जितके ताकदीने पोलीस राबवतात तितक्या ताकदीने ते कायदे तोडले जातात, असे रुपाली चाकणकर म्हणाल्या आहेत.
कामाच्या ठिकाणी होणाऱ्या लैंगिक अत्याचाराविरोधात देखील आवाज उठविला पाहिजे, त्याचा अधिकार आपल्याला आहे. जनसुनावणीत अनेक तक्रारी आल्या आहेत. त्याचा न्यायनिवाडा आपण करत आहोत. महिला आयोग आपल्या दारी या उपक्रमाच्या अंतर्गत सुनावणी प्रत्येक जिल्ह्यात घेतली जात आहे. चार वेगवेगळ्या पॅनलच्या माध्यमातून सुनावणी केली जात आहे. चांगल्या पद्धतीने न्यायनिवाडा केला जात आहे. गर्भ निदान चाचणीसह इतर कायदे आहेत. पण, त्यातून पळवाट काढली जाते. ज्या तालुका, जिल्ह्यात गर्भनिदान चाचणी होत नाही. तर दुसऱ्या तालुक्यात जाऊन केली जाते. बालविवाह केले जात आहे, कायदे मोडले जाणे ही एक शोकांतिका आहे. तुम्ही तक्रारींचा पाठपुरावा करा, तुम्हाला न्याय देण्याची जबाबदारी महिला आयोगाची आहे, असे महिला आयोगाच्या अध्यक्षा रुपाली चाकणकर म्हणाल्या आहेत.
महत्वाच्या बातम्या
-हगवणेंचा आणखी एक धक्कादायक प्रताप उघड: ‘त्या’ प्रकरणी पोलिसांना फसवलं, नेमका काय प्रकार?
-वैष्णवीच्या वडिलांची मागणी, सरकारने घेतला मोठा निर्णय; नेमकं काय घडलं?
-वैष्णवी हगवणे: गृहविभागाकडून मोठी कारवाई; थेट ‘त्या’ IPS अधिकाऱ्याचा पदभारच घेतला काढून
-वैष्णवी हगवणे प्रकरण: “हॅलो, निलेशला पकडलंय गाडीच्या डिक्कीत डांबलाय..” नेमकं प्रकरण काय?
