पुणे : बारामतीच्या राजकारणात महत्त्वाची भूमिका बजावणाऱ्या माळेगाव सहकारी साखर कारखान्याच्या पंचवार्षिक निवडणुकीची मतमोजणी आज पार पडली. पहिला निकाल जाहीर झाला असून, ब वर्ग सभासद प्रतिनिधी गटातून निळकंठेश्वर पॅनलचे उमेदवार आणि राज्याचे उपमुख्यमंत्री अजित पवार विजयी झाले आहेत. एकूण १०२ पैकी १०१ वैध मतांपैकी अजित पवार यांना ९१ मते मिळाली, तर त्यांच्या प्रतिस्पर्धी उमेदवाराला १० मते मिळाली.
निवडणुकीतील पॅनल्स
कारखान्याच्या सत्तेसाठी चार पॅनल्स रिंगणात उतरले होते:
राष्ट्रवादी शरदचंद्र पवार पक्षाचे अध्यक्ष शरद पवार
उपमुख्यमंत्री अजित पवार
शरद पवारांचे जुने सहकारी चंद्रराव तावरे
शेतकरी संघटना
ब वर्ग गटात सहकारी संस्था मतदान करतात, आणि यामध्ये अजित पवार यांनी बाजी मारली.
मतदानाची आकडेवारी
अ वर्ग: १९,५४९ मतदारांपैकी १७,२९६ मतदारांनी मतदान केले, म्हणजेच ८८.४८ टक्के मतदान.
पुरुष मतदार: १२,८६२
महिला मतदार: ४,४३४
ब वर्ग: १०२ मतदारांपैकी १०१ मतदारांनी मतदान केले, म्हणजेच ९९.०२ टक्के मतदान.
पुरुष मतदार: ९९
महिला मतदार: २
मतदान प्रक्रिया सकाळी ७ ते सायंकाळी ६ वाजेपर्यंत पार पडली. या निवडणुकीकडे बारामतीच्या राजकीय वर्तुळात विशेष लक्ष लागले होते.
महत्वाच्या बातम्या
-पुण्यातील ‘त्या’ बंद भुयारी मार्गामुळे वाहतूक कोंडी; वकिलांची पालिकेकडे पुन्हा सुरू करण्याची मागणी
-लांडगे पैलवान असले तरी त्यांचे वस्ताद अजितदादाच आहेत; राष्ट्रवादीचा सणसणीत टोला
-शनिवारवाडा ते स्वारगेट ‘चौपदरी भुयारी मार्ग’ प्रकल्पाला नितीन गडकरींचा सकारात्मक प्रतिसाद
-पालखी सोहळ्यात चोरांनी भाविकांच्या मोबाइलवर मारला डल्ला
-हुंड्याच्या छळामुळे उच्चशिक्षित महिलेने केली आत्महत्या, सासूविरुद्ध गुन्हा दाखल
