पुणे : पुणे शहरात गेल्या अनेक महिन्यांपासून गुन्हेगारी वाढताना दिसत आहे. सध्या सामान्य नागरिक हे पुण्यात आपला जीव मुठीत धरून जगत आहेत. परंतु या शहरात सध्या सत्ताधारी आमदार देखील सुरक्षित नसल्याचे समोर आले आहे. खडकवासल्याचे भाजपचे आमदार भीमराव तापकीर यांच्या घरात एका अज्ञाताने घुसण्याचा प्रयत्न केल्याचे समोर आले आहे. सहकारनगर पोलिसांनी आरोपीला ताब्यात घेतले आहे.
शंकर सर्जेराव धुमाळ (वय ४७) असे अटक केलेल्या व्यक्तीचे नाव आहे. भीमराव तापकीर हे धनकवडी परिसरात राहत असून या व्यक्तीने त्यांच्या घरात घुसण्याचा प्रयत्न केला. त्याला रोखण्याचा प्रयत्न करणाऱ्या आमदारांच्या सुरक्षेसाठी तैनात असणाऱ्या पोलीस कर्मचाऱ्याला त्याने शिवीगाळ करत मारहाण करण्याची धमकी दिली होती. या प्रकरणी आमदारांच्या सुरक्षेसाठी नेमण्यात आलेल्या सुरक्षा कर्मचारी अजित गणपत देवघरे यांनी तक्रार केली आहे.
नेमकं काय घडलं?
आरोपी शंकर धुमाळ हा वारंवार आमदार भीमराव तापकीर यांच्या घराजवळ जाऊन गोंधळ घालत होता. त्याने तीन वेळा आमदारांच्या घरात घुसण्याचा प्रयत्न केला. त्याला रोखण्याचा प्रयत्न करणाऱ्या आमदारांच्या सुरक्षेसाठी तैनात असणाऱ्या पोलीस कर्मचाऱ्याला त्याने शिवीगाळ करत मारहाण करण्याची धमकी दिली होती. सुरुवातीला आमदारांच्या वतीने सहकारनगर पोलिस ठाण्यात तक्रार देण्यात आली होती. सुरुवातीला आरोपीवर किरकोळ स्वरूपाची कारवाई करण्यात आली. मात्र त्यानंतरही तो पुन्हा पुन्हा येत राहिला आणि शिवीगाळ करत धमक्या देत राहिला. या प्रकरणात कारवाई न झाल्यामुळे आमदारांनी थेट पुणे पोलिस आयुक्त अमितेश कुमार यांना पत्र पाठवून लक्ष घालण्याची मागणी केली होती. त्यानुसार त्याला अटक केली आहे.
महत्वाच्या बातम्या
-हगवणे बंधूंच्या अडचणी वाढणार; पोलीस तपासात पिस्तूलबाबत धक्कादायक माहिती समोर
-20 वर्षांचा संसार क्षणात मोडला; पुण्यात एकाच दिवसात घटस्फोटाचा दावा मंजूर
-ऐकावं ते नवलंच! लग्नाच्या रात्री पत्नीसाठी पान आणायला गेला अन् आल्यावर पाहिलं तर पत्नी…
-‘सासूनं केली काळी जादू, नवऱ्यानं दाखवले अश्लील व्हिडीओ’; फरार हगवणेंना मदत करणारे ‘ते’ दोघे कोण?
