पुणे : राज्यात स्थानिक स्वराज्य संस्था निवडणुकीसाठी सर्वच पक्षांची तयारी सुरु आहे. राज्यात महायुती पुण्यात एकत्रित लढणार असल्याची वक्तव्यं महायुतीच्या नेत्यांकडून केली जात आहे. अशातच नुकतेच उपमुख्यमंत्री एकनाथ शिंदे यांच्या शिवसेनेत प्रवेश केलेले महानगरप्रमुख आणि माजी आमदार रविंद्र धंगेकर यांचा मात्र वेगळाच सूर असल्याचं पहायला मिळालं आहे. स्थानिक स्वराज्य संस्थांच्या निवडणुकीच्या पार्श्वभूमीवर मुंबईत शिवसेनेची नुकतीच महत्वाची बैठक पार पडली. या बैठकीमध्ये शिंदेच्या शिवसेनेची रणनिती काय असणार? याबाबत चर्चा झाली. या बैठकीला रविंद्र धंगेकर देखील उपस्थित होते. या बैठकीतील चर्चेबाबत बोलताना धंगेकरांनी केलेल्या वक्तव्यामुळे आता पुण्याच्या राजकारणात मोठा ट्विस्ट आला आहे.
पुणे शहरामध्ये स्थानिक स्वराज्य निवडणुकीत शहरातील विविध पक्षाचे कार्यकर्ते विविध संघटना या शिंदेंच्या शिवसेनेला पाठिंबा देणार आहेत. पालिका निवडणुकीत शिवसेना सर्व जागा लढेल, असं आम्ही एकनाथ शिंदे यांना सुचवला आहे. त्यामुळे शहातील प्रत्येक वार्डात आमचा उमेदवार असेल अशा पद्धतीने आम्ही तयारी करत आहोत, असं रविंद्र धंगेकर म्हणाले आहेत.
आता आम्हाला फक्त एकनाथ शिंदेंच्या आदेशाची प्रतिक्षा आहे. आमची स्वतंत्र लढण्याची तयारी पुर्ण झाली आहे, रविंद्र धंगेकरांच्या या वक्तव्याने आता पुण्यात शिंदेंच्या सेनेची स्वतंत्र लढण्याची तयारी असल्याचे दिसून येत आहे. यामुळे येत्या काळात महायुतीत नेमकं काय राजकीय चित्र पहायला मिळेल, हे पाहणं औत्सुक्याचं ठरणार आहे.
महत्वाच्या बातम्या
-सुसंस्कृत पुण्यात आणखी धक्कादायक घटना; हुंडा अन् सासरच्या छळाला कंटाळून उचललं टोकाचं पाऊल
-लग्न केलं अन् १३चं दिवसात संसार उद्ध्वस्त, ‘राजा’ची सोनम निघाली बेवफा
-गणेशोत्सवाबाबत उच्च न्यायालयाच्या महत्वाचा निर्णय; मूर्तिकार अन् मंडळाचा मार्ग झाला मोकळा
