पिंपरी : भोसरीचे भाजप आमदार महेश लांडगे यांनी संतपीठाच्या कार्यक्रमात उपमुख्यमंत्री अजित पवार यांच्यावर केलेल्या टीकेमुळे पिंपरी-चिंचवडमधील राजकीय वातावरण चांगलेच तापले आहे. राष्ट्रवादी काँग्रेसचे प्रदेश प्रवक्ते उमेश पाटील यांनी पत्रकार परिषद घेऊन लांडगे यांच्यावर जोरदार हल्ला चढवला. या टीकेमुळे दोन्ही पक्षांमधील तणाव पुन्हा एकदाशोपा वाढण्याची शक्यता आहे.
उमेश पाटील यांनी लांडगे यांच्या वक्तव्यावर तीव्र नाराजी व्यक्त करत म्हटले, “ज्या अजित पवार यांनी लांडगे यांना राजकारणात आणले, त्यांना नगरसेवक आणि स्थायी समिती सभापती बनवले, त्यांच्याचविरुद्ध खालच्या दर्जाची भाषा वापरणे लज्जास्पद आहे. सत्तेची मस्ती डोक्यात गेल्याचे हे लक्षण आहे. संतांच्या व्यासपीठावर तमाशाच्या फडासारखी भाषा वापरून लांडगे यांनी स्वतःची प्रतिमा मलिन केली आहे.” त्यांनी पुढे सांगितले की, लांडगे पैलवान असले तरी त्यांचे गुरू अजित पवारच आहेत, हे त्यांनी विसरू नये.
लांडगे यांच्या टीकेनंतर उमेश पाटील यांच्या या प्रत्युत्तराने पिंपरी-चिंचवडच्या राजकारणात नवा वाद निर्माण झाला आहे. संत परंपरेच्या व्यासपीठावर अशा प्रकारच्या राजकीय टीकाटिप्पणीमुळे नागरिकांमध्येही नाराजी पसरली आहे. या आरोप-प्रत्यारोपांमुळे शहरातील राजकीय वातावरण आणखी तीव्र होण्याची चिन्हे दिसत आहेत.
महत्वाच्या बातम्या
-शनिवारवाडा ते स्वारगेट ‘चौपदरी भुयारी मार्ग’ प्रकल्पाला नितीन गडकरींचा सकारात्मक प्रतिसाद
-पालखी सोहळ्यात चोरांनी भाविकांच्या मोबाइलवर मारला डल्ला
-हुंड्याच्या छळामुळे उच्चशिक्षित महिलेने केली आत्महत्या, सासूविरुद्ध गुन्हा दाखल
-पुण्यात धक्कादायक प्रकार; मौत्रिणसोबत कारमध्ये बसलेल्या तरुणाला खाकीचा धाक दाखवला अन्…
