पुणे : महानगरपालिका निवडणुकीच्या मतदानाला अवघे काही तास शिल्लक असतानाच उपमुख्यमंत्री अजित पवार यांनी जिल्हा परिषद आणि पंचायत समिती निवडणुकीच्या प्रचाराचा बारामतीत नारळ फोडला आहे. राष्ट्रवादी भवनात कार्यकर्ता मेळाव्यात बोलताना त्यांनी १२ जिल्हा परिषदांसाठी निवडणूक कार्यक्रम जाहीर केला. बारामती, कोल्हापूर, सातारा, सांगली, सोलापूर, पुणे, सिंधुदुर्ग, रत्नागिरी, रायगड, छत्रपती संभाजीनगर, नागपूर आणि परभणी या जिल्ह्यांसाठी ५ फेब्रुवारीला मतदान होणार आहे.
अजित पवार यांनी सांगितले की, सर्वोच्च न्यायालयाने ३१ जानेवारी २०२६ पर्यंत सर्व स्थानिक स्वराज्य संस्थांच्या निवडणुका पूर्ण करण्याचे निर्देश दिले होते. मात्र, महानगरपालिका निवडणुकीसह इतर प्रक्रिया पूर्ण होण्यासाठी वेळ लागल्याने जिल्हा परिषद निवडणुकीसाठी १५ फेब्रुवारीपर्यंत मुदतवाढ मिळाली आहे. १६ ते २१ जानेवारीपर्यंत नामनिर्देशन अर्ज स्वीकारले जातील, २२ जानेवारीला छाननी होईल.
पुणे जिल्हा परिषद व पंचायत समिती बारामती निवडणूक २०२६ च्या पार्श्वभूमीवर आयोजित कार्यकर्ता मेळाव्यात पदाधिकारी, कार्यकर्ते व नागरिकांना संबोधित केलं. सर्वांना मकर संक्रांतीच्या मनापासून शुभेच्छा दिल्या.
आगामी पंचायत समिती व जिल्हा परिषद निवडणुकीसंदर्भात मार्गदर्शन करताना फॉर्म… pic.twitter.com/9FhPZgTQd0
— Ajit Pawar (@AjitPawarSpeaks) January 15, 2026
प्रजासत्ताक दिन आणि स्वातंत्र्य दिनाच्या सार्वजनिक सुट्ट्यांमुळे २६ जानेवारीपर्यंत अर्ज मागे घेण्याची मुदत ठेवण्यात आली आहे. मतदान ५ फेब्रुवारीला आणि मतमोजणी ७ फेब्रुवारीला होईल. बारामती नगर परिषदेच्या निवडणुकीत पक्षाच्या ३५ उमेदवारांनी विजय मिळवला असून, अपक्ष निवडून आलेल्या तीन सहकाऱ्यांनी सहकार्याचे आश्वासन दिल्याने नगराध्यक्षपदासाठी आवश्यक कोटा पूर्ण झाला आहे. माळेगाव नगरपंचायतीत सुहास सातपुते यांचा विजय झाला. या यशाचे श्रेय बारामती आणि माळेगावच्या कार्यकर्त्यांना देत अजित पवारांनी त्यांचे आभार मानले.
अजित पवारांनी सांगितले की, महानगरपालिका निवडणुकीच्या प्रचारात बारामतीतील अनेक कार्यकर्त्यांनी मदत केली. उद्या (१६ जानेवारी) महानगरपालिकांचा निकाल हाती येईल. जिल्हा परिषद आणि पंचायत समिती निवडणुकीसाठी आता प्रचाराला वेग येणार असून, कार्यकर्त्यांनी जोमाने काम करण्याचे आवाहन त्यांनी केले. या घोषणेनंतर जिल्हा परिषद निवडणुकीच्या प्रचाराला अधिक वेग येण्याची शक्यता आहे. बारामतीतून दिलेल्या या संदेशाने राष्ट्रवादी काँग्रेसच्या कार्यकर्त्यांमध्ये उत्साह संचारला आहे. १२ जिल्ह्यांतील मतदारसंघांमध्ये युती आणि विरोधकांच्या रणनीतीवर आता सर्वांचे लक्ष लागले आहे.
महत्वाच्या बातम्या-
-27 प्रभाग अन् 109 उमेदवारांचा प्रचार! मोहोळांचा झांजावत ठरणार गेमचेंजर
-पुण्यात मतदारांना ‘चांदीच्या वाट्या वाटपाचा आरोप; या प्रभागात राजकीय वातावरण तापले
-कार्यकर्त्यांच्या परिश्रमामुळे प्रभाग २५ मध्ये मोठा विजय होणार- राघवेंद्र बाप्पू मानकर
-६० हजार मतदार, तीनदा थेट भेट; गणेश बिडकरांच्या २० लाख पावलांची राजकीय वारी
