पुणे : महापुरुषांच्या विचारांना कृतीची जोड देत औंध-बोपोडी प्रभागात ‘महापुरुषांना स्वच्छांजली’ या अभिनव स्वच्छता मोहिमेचा उत्साहात शुभारंभ करण्यात आला. यांच्या कल्याणकारी राज्याच्या वारशाचा आणि यांच्या देशसेवेच्या संस्कारांचा आदर्श समोर ठेवून ही मोहीम राबवली जात आहे. प्रभाग क्रमांक ८ चे नगरसेवक सनी निम्हण यांच्या पुढाकाराने शिवजयंती (१९ फेब्रुवारी) ते भीमजयंती (१४ एप्रिल) या कालावधीत विशेष स्वच्छता अभियान राबवण्यात येणार आहे.
महापुरुषांच्या जयंतीनिमित्त केवळ अभिवादन न करता त्यांच्या विचारांतून कृतीशील स्वच्छता उपक्रम हाती घेण्याचा अनोखा संकल्प सनी निम्हण यांच्या माध्यमातून करण्यात आला आहे. मोहिमेच्या शुभारंभवेळी पुण्याचे उपमहापौर परशुराम वाडेकर आणि नगरसेविका सपना छाझेड हे देखील उपस्थित होते. औंध क्षेत्रीय कार्यालयातील स्वच्छता कर्मचारी, आरोग्य सेवक तसेच विविध विभागांतील अधिकारी-कर्मचाऱ्यांनीही स्वच्छता मोहिमेत सक्रिय सहभाग नोंदवला.
नागरिकांसाठी ‘QR कोड’ सुविधा
ही मोहीम लोकचळवळ ठरावी, यासाठी डिजिटल माध्यमांचा वापर करण्यात आला आहे. प्रभागातील नागरिकांना परिसरात कुठेही अस्वच्छता आढळल्यास ८३०८१२३५५५ या क्रमांकावर संपर्क साधण्याचे आवाहन करण्यात आले आहे. तसेच प्रसिद्ध करण्यात आलेला QR कोड स्कॅन करून संबंधित जागेचा फोटो व लोकेशन पाठवता येणार आहे. प्राप्त माहितीनुसार संबंधित ठिकाणी तातडीने स्वच्छता करण्याची व्यवस्था करण्यात येणार असल्याचे निम्हण यांनी सांगितले.
“महापुरुषांनी दाखवलेला समाजसेवेचा आणि शिस्तीचा मार्ग जपत त्यांना खरी आदरांजली वाहण्यासाठी ‘स्वच्छांजली’ मोहीम सुरू केली आहे. नागरिकांनी यात सक्रिय सहभाग घ्यावा,” असे आवाहन सनी निम्हण यांनी केले.
