पुणे : विधानसभा निवडणुकीचा प्रचार आता अंतिम टप्प्यात आला असून सर्व उमेदवारांनी जवळपास संपूर्ण मतदारसंघात पिंजून काढला आहे. अशातच आता राष्ट्रीय स्वयंसेवक संघाचे ज्येष्ठ स्वयंसेवक तसेच माजी प्रचारक अरविंद कोल्हटकर यांनी कोथरुडचे महायुतीचे उमेदवार चंद्रकांत पाटील हे निवडून येणारच असल्याचा विश्वास व्यक्त केला आहे.
‘दादा तू कोथरूड मधून दणक्यात निवडून येणार’, असे आशीर्वाद अरविंद कोल्हटकर यांनी दिले आहेत. भाजप महायुतीच्या प्रचारासाठी चंद्रकांत पाटील यांनी मतदारसंघात घरोघरी संपर्क देण्यावर भर दिला आहे. या अभियानांतर्गत कोथरुड विधानसभा मतदारसंघातील विविध सोसायटीतील प्रथितयश नागरिकांच्या भेटी घेऊन पाच वर्षांचा कार्य अहवाल देऊन मतदारांचे आशीर्वाद घेत आहेत.
कोथरूड मधील रोहन प्रार्थना सोसायटीतील भेटीदरम्यान संघाचे ज्येष्ठ स्वयंसेवक तथा माजी प्रचारक अरविंद कोल्हटकर यांची चंद्रकांत पाटील यांनी भेट घेऊन आशीर्वाद घेतले. यावेळी दादा तू दणक्यात निवडून येणार, असे आशीर्वाद कोल्हटकर यांनी पाटील यांना दिले आहेत.
यावेळी भाजप कोथरुड दक्षिणचे अध्यक्ष डॉ. संदीप बुटाला, भाजप युवा मोर्चा पुणे शहर सरचिटणीस दुष्यंत मोहोळ, प्रभाग १२ चे अध्यक्ष अंबादास अष्टेकर, कोथरुडचे निवडणूक सहप्रमुख नवनाथ जाधव, कोथरुड मंडल सरचिटणीस दिनेश माथवड, युवा मोर्चाचे अमित तोरडमल उपस्थित होते.
महत्वाच्या बातम्या
-‘माझा भाऊ राज्यभर फिरतोय, मग मी कशी घरी बसू?’ बारामतीच्या मैदानात शरद पवारांच्या बहिणीची एन्ट्री
-“कसब्यात राष्ट्रीय खेळाडू घडावे, क्रीडा धोरणाची करणार प्रभावी अंमलबजावणी”- हेमंत रासने
-‘पर्वती फर्स्ट’मुळे मतदारसंघाचा होणार कायापालट; पर्वतीच्या विकासासाठी आबा बागुलांचं व्हिजन
-इंदापूरात दोन्ही पवारांची प्रतिष्ठा पणाला; भरणे जागा राखणार की, हर्षवर्धन पाटील गड हिसकावणार?
