पुणे : पुण्यातील वैष्णवी हगवणे प्रकरणामुळे तिच्या सासरची मंडळी आधीच मोठ्या अडचणीत सापडली आहेत. वैष्णवीच्या मृत्यूबाबत शंका उपस्थित केली जात आहे. यावरुन सर्व आरोपी अटकेत असतानाच आता हगवणे कुटुंबाला आणखी एक मोठा धक्का बसला आहे. जेसीबी खरेदी-विक्रीच्या व्यवहारात ११ लाख ७० हजार रुपयांची फसवणूक आणि बंदुकीचा धाक दाखवल्याप्रकरणी लता हगवणे आणि तिचा मुलगा शशांक हगवणे यांना ६ जूनपर्यंत पोलीस कोठडी सुनावण्यात आली आहे. प्रशांत येळवंडे यांनी म्हाळुंगे एमआयडीसी पोलिस ठाण्यात याबाबत तक्रार दाखल केली होती.
जेसीबी विक्रीच्या नावाखाली प्रशांत येळवंडे यांची फसवणूक झाल्याचा प्रकार समोर आला आहे. येळवंडे यांनी जेसीबी खरेदीसाठी अॅडव्हान्स आणि कर्ज फेडण्यासाठी दिलेले ११ लाख ७० हजार रुपये हगवणेंनी परत केले नाहीत. उलट, त्यांना पिस्तूलाचा धाक दाखवून “आता पैसे मागू नकोस, नाहीतर घरचे नीट राहणार नाहीत,” अशी धमकी दिली. या प्रकरणी पोलिसांनी गुन्हा दाखल करून संबंधित जेसीबी जप्त केला होता. मात्र, जप्त केलेला जेसीबी पुन्हा हगवणेंकडे कसा आला, याचा तपास म्हाळुंगे पोलिस करत आहेत. या जेसीबीचा ठावठिकाणा असलेल्या गोडाऊन मालकावरही आता संशय व्यक्त केली जात आहे. या प्रकरणात लता आणि शशांक हगवणे यांना ६ जूनपर्यंत पोलिस कोठडीत ठेवण्याचा निर्णय न्यायालयाने घेतला आहे.
दरम्यान, सुशील हगवणे आणि राजेंद्र हगवणे यांना देखील आज १४ दिवसांची न्यायालयीन कोठडी, तर निलेश चव्हाण याला ७ जूनपर्यंत पोलीस कोठडी सुनावण्यात आली आहे. आधी बाप-लेक आणि आता माय-लेकाला जेलवारी झाल्याने हगवणेंच्या अडचणीत चांगलीच वाढ झाली आहे. वैष्णवीच्या मृत्यूनंतर हगवणेंचे सगळे कांड बाहेर पडले आहेत.
महत्वाच्या बातम्या
-हगवणे बाप लेकाला १४ दिवसांची न्यायालयीन तर निलेशला ७ दिवस पोलीस कोठडी, न्यायालयात आज काय झालं?
-वैष्णवीसोबत नेमकं काय झालं? ‘त्या’ महत्वाच्या वस्तू फॉरेन्सिक लॅबमध्ये पाठवणार
-नीलम गोऱ्हेंनी बोललवी महत्वाची बैठक; महिला आयोगाच्या कारभाराची घेणार झाडाझडती
-बाप तालुक्याचा उपाध्यक्ष, बायको सरपंच, राष्ट्रवादीचा पदाधिकारीच निघाला अट्टल सायबर चोर
