पुणे : भाजपचे आमदार गोपीचंद पडळकर यांनी २०२० मध्ये राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांच्याविरोधात वादग्रस्त वक्तव्य केलं होतं. “शरद पवार हे महाराष्ट्राला लागलेला कोरोना” असे वक्तव्य पडळकरांनी केले होते. यावरुन पडळकरांवर बारामती शहर पोलीस ठाण्यात गुन्हा दाखल झाला होता. या प्रकरणात बारामती न्यायालयाने ४ साक्षीदारांचे जबाब तपासल्यानंतर पडळकर यांची निर्दोष मुक्तता केली आहे. ‘पडळकर यांच्या वक्तव्यामुळे कोणतेही जातीय दंगे भडकले नाहीत आणि सामाजिक तेढ निर्माण झाले नाही, असे न्यायालयाने आपल्या निकालात नमूद केले आहे.
२०२० मध्ये कोरोनाच्या काळात गोपीचंद पडळकर यांनी हे वक्तव्य केले होते, ज्यामुळे राष्ट्रवादी काँग्रेसच्या तत्कालीन शहराध्यक्ष अमर धुमाळ यांनी त्यांच्याविरोधात तक्रार दाखल केली होती. तक्रारीनंतर पोलिसांनी पडळकर यांना बारामती कोर्टात हजर केले होते. मात्र, जामीन मिळाल्यानंतरही पडळकर यांनी वारंवार समन्स असूनही कोर्टात हजर राहणे टाळले, ज्यामुळे न्यायालयाने त्यांच्याविरोधात अटक वॉरंट जारी केले होते. अखेरीस, या प्रकरणाची सुनावणी पूर्ण झाली आणि न्यायालयाने अंतिम निकाल जाहीर केला.
पडळकर यांनी आपल्या वक्तव्यात शरद पवार यांच्यावर गंभीर आरोप केले होते. ‘शरद पवार यांनी अनेक वर्षांपासून महाराष्ट्राचे नेतृत्व केले आहे, परंतु त्यांची भूमिका बहुजनांवर अत्याचार करण्याची राहिली आहे. त्यांच्याकडे कोणतीही विचारधारा, अजेंडा किंवा व्हिजन नाही आणि ते फक्त छोट्या गटांना भडकावून आपल्या बाजूने करतात’, असे पडळकर यांनी म्हणाले होते.
न्यायालयाने आपल्या निकालात स्पष्ट केले की, पडळकर यांचे वक्तव्य हे विशिष्ट व्यक्तीविरोधात होते आणि त्यामुळे सामाजिक सलोख्यावर परिणाम झाला नाही. त्यामुळे न्यायालयाकडून पडळकरांची निर्दोष मुक्तता करण्यात आली आहे. त्यामुळे आता या प्रकरणाच्या कायदेशीर वादाला आता पूर्णविराम मिळाला आहे.
महत्वाच्या बातम्या
-जेसीबी प्रकरणात ११ लाखांची फसवणूक अन् बंदुकीचा धाक दाखवला; हगवणेंचा पाय आणखी खोलात
-हगवणे बाप लेकाला १४ दिवसांची न्यायालयीन तर निलेशला ७ दिवस पोलीस कोठडी, न्यायालयात आज काय झालं?
-वैष्णवीसोबत नेमकं काय झालं? ‘त्या’ महत्वाच्या वस्तू फॉरेन्सिक लॅबमध्ये पाठवणार
-नीलम गोऱ्हेंनी बोललवी महत्वाची बैठक; महिला आयोगाच्या कारभाराची घेणार झाडाझडती
