पुणे : शिवसेना प्रमुख हिंदुहृदय सम्राट बाळासाहेब ठाकरे यांच्या जयंतीनिमित्त बाळासाहेब ठाकरेंसोबतच्या अनेक आठवणी नेत्यांकडून सांगितल्या जात आहेत. अशातच ठाकरेंच्या शिवसेनेचे नेते वसंत मोरे यांनी देखील बाळासाहेब ठाकरे यांच्यासोबतची त्यांची आठवण सोशल मीडिया पोस्टद्वारे सांगितली आहे.
वसंत मोरेंची सोशल मीडिया पोस्ट
हिंदू हृदय सम्राट शिवसेनाप्रमुख सरसेनापती बाळासाहेब ठाकरे यांच्या जयंतीनिमित्त २००२ साली पुण्यात माझ्या बाबतीत घडलेला प्रसंग आजही जशाच्या तसा आठवतो…, त्याचे झाले असे त्यावेळी आमचा कात्रज भाग कॅन्टोन्मेंट विधानसभा मतदारसंघात होता आणि मी शिवसेना उपविभाग प्रमुख होतो, बाळासाहेब ठाकरे यांची प्रचंड क्रेझ माझ्या मनात होती आणि ती आजही तशीच आहे. त्यामुळे कर्ज काढून हुबेहूब त्यांच्या गाडी सारखी दिसणारी लांबलचक सेकंड हॅन्ड टाटा ईस्टेट गाडी मी ही घेतली होती. याचदरम्यान साहेब पुण्यातील महर्षीनगर परिसरात त्यांच्या घरी येणार असल्याची माहिती आम्हाला कळाली आणि त्यांना पाहण्यासाठी कात्रज मधून मी बाळासाहेब खंदारे, शिवाजीराव शेलार, सुरेश पवार व शिवसैनिक साहेबांच्या भेटीसाठी निघालो..
हिंदुरुदयसम्राट शिवसेनाप्रमुख सरसेनापती बाळासाहेब ठाकरे यांच्या जयंतीनिमित्त २००२ साली पुण्यात माझ्या बाबतीत घडलेला प्रसंग आजही जशाच्या तसा आठवतो…,
त्याचे झाले असे त्यावेळी आमचा कात्रज भाग कॅन्टोन्मेंट विधानसभा मतदार संघात होता आणि मी शिवसेना उपविभाग प्रमुख होतो, pic.twitter.com/uoskaL7iem
— Vasant More | वसंत मोरे (@vasantmore88) January 23, 2025
“आमची गाडी लक्ष्मीनारायण चौकातून मातोश्रीनगरच्या दिशेने चालली होती आणि अचानक पाठीमागून साहेबांचा ताफा आमच्या गाडीमागे कधी आला आम्हाला समजलेच नाही…दारात गेलो आणि फटाक्यांची माळ वाजली आम्ही तर पुरते घाबरलो माळ संपली आणि भित भित गाडी पुढे घेतली तेवढ्यात घोषणा चालू झाल्या मग तर पुरतेच घाबरलो आणि पाहतो तर काय चक्क मागच्या गाडी मधून बाळासाहेब ठाकरे उतरत होते….साहेबांना पाहून संपूर्ण अंगावर काटाच आला होता त्यांचा वाढदिवस तीथून पुढे दरवर्षी साजरा होत गेला”, असं सांगत वसंत मोरेंनी बाळासाहेब ठाकरेंसोबतच्या आठवणीला उजाळा दिला आहे.
महत्वाच्या बातम्या-
-महापालिकेकडून नागरिकांच्या जीवनाशी खेळ, शुद्धीकरण न करताच पाणीपुरवठा; जीबीएसचा प्रादुर्भाव वाढला
-आधी बंद दाराआड चर्चा अन् नंतर शेजारी बसणं टाळलं; पवार काका-पुतण्याच्या मनात नेमकं काय?
-Pune News: लवकर श्रीमंत व्हायचं म्हणून त्याने राजस्थानमधून अफू आणलं अन्…
-पुण्यात ‘GBS’ची रुग्णसंख्या वाढली, आमदार रासनेंची पालिका प्रशासनाकडे तातडीच्या उपाययोजनांची मागणी
