पुणे : वसंतदादा शुगर इंस्टिट्यूटची ४७ वी वार्षिक सर्वसाधारण सभा आणि पारितोषिक समारंभ आज पुण्यात पार पडत आहे. या कार्यक्रमापूर्वी विश्वस्त मंडळाची ९ वाजता बैठक पार पडली आहे. या कार्यक्रमाला उपमुख्यमंत्री अजित पवार, संस्थेचे अध्यक्ष शरद पवार, उपाध्यक्ष दिलीप वळसे पाटील, संस्थेचे विश्वस्त अजित पवार, हर्षवर्धन पाटील, जयप्रकाश दांडेगावकर यांच्यासह इतर नेते उपस्थित आहेत.
गेल्या काही दिवसांपूर्वी शरद पवार आणि अजित पवार हे बारामतीमध्ये एका मंचावर पहायला मिळाले. त्यानंतर आता आजही हे दोन्ही नेते एका मंचावर आले. अशा वेळी या दोन्ही नेत्यांकडे सर्वांचे विशेष नजरा असतात. या कार्यक्रमामध्ये शरद पवारांच्या उजव्या बाजुला अजित पवार तर डाव्या बाजुला दिलीप वळसे पाटील अशी बैठक व्यवस्था करण्यात आली होती. बैठकीनंतर अजित पवार हे व्यासपीठावर आल्यावर त्यांनी व्यासपीठावरील आसन व्यवस्था पाहिली अन् ताबडतोब संबधित अधिकार्यांना नावाची प्लेट बदलण्यास सांगितली. त्यानंतर शरद पवार यांच्या बाजूला सहकार मंत्री बाबासाहेब पाटील यांच्या नावाची प्लेट ठेवण्यास सांगितली. अजित पवारांनी पुन्हा एकदा शरद पवार यांच्या बाजूला बसण्याचे टाळल्याचं स्पष्ट दिसत आहे.
याच कार्यक्रमाच्या निमित्ताने शरद पवार आणि अजित पवार यांच्यात बंद दाराआड चर्चा झाल्याचंही पहायला मिळालं आहे. मागील काही दिवसांपासून काका-पुतण्यांमधील संबंध सुधारत असल्याने राजकीय वर्तुळात विविध चर्चा रंगल्या आहेत. काही दिवसांपूर्वी अजित पवारांच्या मातोश्री आशाताई पवार यांनी देखील अजित पवार आणि शरद पवार यांनी एकत्र यावं, यासाठी पंढरीच्या विठुरायाकडे साकडं घातलं होतं. या कार्यक्रमामध्ये एकीकडे दोन्ही नेत्यांमध्ये बंद दाराआड चर्चा झाली तर काहीच वेळात मंचावरील आसन व्यवस्था बदलून शेजारी बसणं देखील टाळल्याचं पहायला मिळालं. यावरुन या दोन्ही नेत्यांमधला दुरावा आणखी कमी झाला की नाही यावरुन राजकीय वर्तळात अनेक तर्तवितर्क लावले जात आहेत.
महत्वाच्या बातम्या-
-Pune News: लवकर श्रीमंत व्हायचं म्हणून त्याने राजस्थानमधून अफू आणलं अन्…
-पुण्यात ‘GBS’ची रुग्णसंख्या वाढली, आमदार रासनेंची पालिका प्रशासनाकडे तातडीच्या उपाययोजनांची मागणी
-पुण्यात ‘GBS’ ची वाढती रुग्णसंख्या; राज्य सरकारने उचललं ‘हे’ मोठं पाऊल
-महाकुंभमेळ्याचा प्रवास महागला; विमानाच्या तिकीटदरात चौपट वाढ, मोहोळ काय म्हणाले?
