पुणे : पुणे शहरामध्ये ‘गुलेन बॅरी सिंड्रोमे’ या आजाराचे रुग्ण अचानक वाढत असून पुणे शहरात या आजाराचे एकूण २९ रुग्ण असल्याची नोंद करण्यात आली आहे. पुण्यातील नांदेड गाव, किरकिटवाडी, नांदोशी, डिएसके विश्व या ४ भागांमधील हे रुग्ण असून या भागातील पाण्याचे नमुने चाचणी करण्यासाठी आता एनआयव्हीला पाठवले असल्याची महत्वाची माहिती आता पुणे महापालिका अतिरिक्त आयुक्त पृथ्वीराज पी. बी. यांनी दिली आहे.
पुणे पालिकेच्या हद्दीतील डीएसके विश्व, नांदोशी, किरकिटवाडी, नांदेड या भागातील नागरिकांनी विशेष काळजी घ्यावी. बाहेरील खाद्यपदार्थ (हायजिनीक) आरोग्यदायी असावी, याची काळजी घ्यावी. तसेच काही दिवस उकळून थंड केलेले पाणी वापरावे, असे आवाहन पृथ्वीराज पी.बी. यांनी केले आहे.
ज्या रुग्णालयामध्ये ‘गुलेन बॅरी सिंड्रोमे’ आजाराचे रुग्ण दाखल आहेत, अशा रुग्णालयाशी आमचा संपर्क आहे. सर्वाधिक रुग्ण कोणत्या भागात आहेत. याबाबतचे सर्वेक्षण देखील करण्यात येणार असून राज्य विभागाचे पथक देखील आमच्यासोबत कार्यरत आहेत. या सर्व परिस्थितीमध्ये नागरिकांनी घाबरुन जाण्याचे कारण नाही. फक्त हायजिनीक खाद्यपदार्थ आणि उकळून थंड केलेलं पाणी प्यावे, असेही आवाहन पालिकेचे अतिरीक्त आयुक्त पृथ्वीराज पी. बी. यांनी केले आहे.
दरम्यान, शहरातील डीएसके विश्व, नांदोशी, किरकिटवाडी, नांदेड हा भाग महापालिकेच्या हद्दीत असला, तरी या भागातील नागरिकांना महापालिकेच्या जलशुद्धीकरण केंद्रातील पाणी दिले जात नाही. ज्या भागात या आजाराचे रुग्ण सापडले आहेत. तेथे शुद्धीकरण केेलेले पाणी न देता एका विहिरीमध्ये पाणी सोडले जाते. या विहिरीतून या चार भागांना पाणी दिले जाते. या पाण्याची तपासणी केली जाणार असून, त्यानंतर या आजाराची रुग्णसंख्या ही खराब पाण्यामुळे वाढत आहे का? हे स्पष्ट होणार आहे.
महत्वाच्या बातम्या-
-पुण्यात ‘GBS’ ची वाढती रुग्णसंख्या; राज्य सरकारने उचललं ‘हे’ मोठं पाऊल
-महाकुंभमेळ्याचा प्रवास महागला; विमानाच्या तिकीटदरात चौपट वाढ, मोहोळ काय म्हणाले?
-खंडणी प्रकरणी संभाजी ब्रिगेड आक्रमक; ओबीसी नेते हाके, सानप यांच्यावर गंभीर आरोप
-घटस्फोटाचं धक्कादायक कारण आलं समोर; लग्नाच्या पहिल्याच दिवशी तिने…
