पुणे : पुणे शहरात ‘गुलियन बॅरी सिंड्रोम’ (Guillain-Barré Syndrome -GBS) या दुर्मिळ आजाराचे रुग्ण वाढत असल्याच्या पार्श्वभूमीवर आमदार हेमंत रासने यांनी महापालिका प्रशासनाकडे तातडीच्या उपाययोजनांची मागणी केली आहे. दूषित पाणी हा या आजाराचा मुख्य कारण ठरत असल्याने पाणी शुद्धीकरण आणि टाक्यांची स्वच्छता नियमितपणे करण्यावर भर देण्याची आवश्यकता यावेळी त्यांनी अधोरेखित केली आहे. यासंदर्भात आमदार रासने यांनी महापालिकेचे अतिरिक्त आयुक्त पृथ्वीराज बी.पी. यांची आज भेट घेतली.
‘गेली दोन दिवसांपासून पुणे शहरातील काही भागांमध्ये गुलियन बॅरी सिंड्रोम या आजाराचे रुग्ण सापडत असल्याने नागरिकांमध्ये भीतीचे वातावरण निर्माण झाले आहे. यासंदर्भात योग्य उपाययोजना करा. नागरिकांमध्ये GBS विषयी जनजागृती करणे गरजेचे असून आरोग्य केंद्रांमध्ये या आजाराच्या निदानासाठी आवश्यक वैद्यकीय उपकरणे आणि प्रशिक्षित वैद्यकीय कर्मचारी उपलब्ध केले जावे. रुग्णांना त्वरित उपचार मिळण्यासाठी मोठ्या रुग्णालयांमध्ये GBS साठी स्वतंत्र विभाग तयार करावेत तसेच आर्थिक दुर्बल रुग्णांना मोफत किंवा सवलतीच्या दरात उपचार उपलब्ध करून द्यावी’, अशी मागणी आमदार रासने यांनी केली आहे.
पुणे शहरात गुलियन बॅरी सिंड्रोम (GBS) आजराची रुग्णसंख्या वाढत आहे. या पार्श्वभूमीवर महापालिकेने तातडीने जनजागृती करावी आणि या रुग्णांवर तत्काळ उपचार करावे. या संदर्भात आज महापालिकेचे अतिरिक्त आयुक्त पृथ्वीराज पी. बी. यांची भेट घेऊन चर्चा करण्यात आली. #GBS #syndrome pic.twitter.com/iTRyTq8XMO
— Hemant Rasane (@HemantNRasane) January 22, 2025
गेल्या काही दिवसांत शहरात ‘GBS’चे रुग्ण आढळल्याने नागरिकांमध्ये भीतीचे वातावरण आहे. मात्र, हा आजार संसर्गजन्य नसल्याने घाबरण्याची आवश्यकता नाही, नागरिकांना उकळून पाणी पिण्याचा आणि उघड्यावरचे अन्नपदार्थ टाळावे, असे आवाहन यावेळी आमदार रासने यांनी नागरिकांना केले आहे. यावेळी मतदारसंघाचे अध्यक्ष राजेंद्र काकडे, सरचिटणीस अमित कंक, प्रणव गंजीवाले, राजू परदेशी, चंद्रकांत पोटे, माजी नगरसेवक राजेश येनपुरे , सरस्वती शेंडगे, योगेश समेळ, अजय खेडेकर, आरती कोंढरे, गायत्री खडके, शहर सरचिटणीस प्रमोद कोंढरे, युवा मोर्चा अध्यक्ष निर्मल हरिहर आदी प्रमुख पदाधिकारी आणि कार्यकर्ते उपस्थित होते.
दरम्यान कसबा विधानसभा मतदारसंघातील विविध प्रश्नांसंदर्भात देखील यावेळी चर्चा करण्यात आली. कचरा मुक्त कसबा अभियान यशस्वी करण्यासाठी करावयाच्या उपायोजना. मुख्य रस्त्यांवर असणारी अतिक्रमणे हटवणे, तसेच मतदारसंघात काही भागांमध्ये पाणीपुरवठा संदर्भात नागरिकांकडून तक्रारी येत असल्याने सुरळीत व प्रेशरने पाणीपुरवठा करण्याची मागणी यावेळी हेमंत रासने यांनी केली आहे.
महत्वाच्या बातम्या-
-पुण्यात ‘GBS’ ची वाढती रुग्णसंख्या; राज्य सरकारने उचललं ‘हे’ मोठं पाऊल
-महाकुंभमेळ्याचा प्रवास महागला; विमानाच्या तिकीटदरात चौपट वाढ, मोहोळ काय म्हणाले?
-खंडणी प्रकरणी संभाजी ब्रिगेड आक्रमक; ओबीसी नेते हाके, सानप यांच्यावर गंभीर आरोप
-घटस्फोटाचं धक्कादायक कारण आलं समोर; लग्नाच्या पहिल्याच दिवशी तिने…
